Nani:‘సరిపోదా శనివారం’ కోసం అలాంటి పని చేసిన నాని.. ప్రశంసలు కురిపిస్తున్న నెటిజన్లు
దిశ, సినిమా: టాలీవుడ్ నేచురల్ స్టార్ నాని నటిస్తున్న తాజా చిత్రం ‘సరిపోదా శనివారం’. వివేక్ ఆత్రేయ దర్శకత్వం వహించిన ఈ మూవీ ఆగస్టు 29 తెలుగు, తమిళం, కన్నడ, మలయాళం, హిందీ భాషల్లో గ్రాండ్‌గా విడుదల కాబోతుంది. ఇందులో ప్రియాంక అరుల్ మోహన్ హీరోయిన్‌గా నటిస్తుంది. అయితే దీనిని డివివి ఎంటర్‌టైన్‌మెంట్ బ్యానర్‌పై డివివి దానయ్య, కల్యాణ్ దాసరి హై బడ్జెట్, భారీ కన్వాస్‌తో నిర్మిస్తున్నారు. ఈ సినిమాలో ఎస్‌జే సూర్య కీలక పాత్రలో నటిస్తున్నాడు. ఇప్పటికే సరిపోదా శనివారం నుంచి విడుదలైన అన్ని అప్డేట్స్ ప్రేక్షకులను ఆకట్టుకున్నాయి.
అయితే ఈ సినిమా టీమ్ అంతా ప్రమోషన్స్‌లో పాల్గొంటూ అందరి దృష్టిని ఆకర్శిస్తున్నారు. విడుదలకు కొన్ని గంటల సమయం ఉందనగా.. తాజాగా, నానికి సంబంధించిన ఓ పోస్ట్ సోషల్ మీడియాలో వైరల్ అవుతూ అందరినీ షాక్‌కు గురి చేస్తోంది. అందులో ఏముందంటే.. సరిపోదా శనివారం మూవీ షూటింగ్ సమయంలో వివేక్ ఆత్రేయ అనారోగ్యానికి గురి కావడంతో.. నాని విరామం లేకుండా ఏకంగా 40 గంటల పాటు వర్క్ చేసినట్లు పోస్ట్‌లో. ఇక ఈ విషయం తెలుసుకున్న నెటిజన్లు నానిపై ప్రశంసలు కురిపిస్తూ.. ఈ సారి టార్కెట్ మిస్ అవ్వదు అనే డైలాగ్‌తో పోస్టును వైరల్ చేస్తున్నారు.
(Video Link Credits to kothimeer.katta Instagram Channel)
