'#SSMB28' రూమర్స్‌పై నాని క్లారిఫికేషన్..
దిశ, సినిమా : ప్రస్తుతం సూపర్ స్టార్ మహేశ్ బాబు త్రివిక్రమ్ దర్శకత్వంలో ఓ సినిమా చేస్తున్న సంగతి తెలిసిందే. #SSMB28 వర్కింగ్ టైటిల్‌తో తెరకెక్కనున్న ప్రాజెక్ట్ ఈ నెలాఖరున లేదా వచ్చే నెల మొదటి వారంలో ప్రారంభించే అవకాశం ఉంది. దాదాపు 11 ఏళ్ల తర్వాత మహేశ్-త్రివిక్రమ్ కాంబినేషన్‌లో సినిమా రాబోతుండగా.. ఇందులో నేచురల్ స్టార్ నాని కీలక పాత్రలో నటించనున్నట్లు వార్తలు వినిపిస్తున్నాయి.
ఈ విషయమై త్రివిక్రమ్ నానిని సంప్రదించాడని.. అతను కూడా మరో ఆలోచన లేకుండా వెంటనే అంగీకరించాడని రూమర్స్ వెలువడ్డాయి. అయితే దీనిపై తాజా ఇంటర్వ్యూలో స్పందించిన నాని.. ఈ వార్తలో ఎలాంటి నిజం లేదని క్లారిటీ ఇచ్చాడు. ప్రస్తుతం తను 'అంటే సుందరానికీ' విడుదల కోసం ఎదురు చూస్తుండగా.. ఈ మూవీ శుక్రవారం (జూన్ 10) రోజున ప్రేక్షకుల ముందుకు రానుంది. దీంతో పాటు 'దసరా' పేరుతో తెరకెక్కుతున్న మరో చిత్రంలోనూ నటిస్తున్నాడు.
