ప్రభాస్ మూవీపై క్యూరియాసిటీ పెంచేస్తున్న డైరెక్టర్.. సరికొత్త ప్రపంచాన్ని చూపిస్తాడట

దిశ, సినిమా:ప్రభాస్, నాగ్‌అశ్విన్‌ కాంబోలో వస్తున్న అప్ కమింగ్ సైన్స్‌ ఫిక్షన్‌ ఫాంటసీ మూవీ ‘కల్కీ 2898 ఏడీ’. ప్రపంచవ్యాప్తంగా ఎంతోమంది అభిమానులు ఆసక్తిగా ఎదురుచూస్తు్న్న ఈ సినిమా నుంచి ఇటీవల విడుదలైన టీజర్‌ భారీ అంచనాలు పెంచేయగా వచ్చే ఏడాది సంక్రాంతికి విడుదల చేసేందుకు ప్రయత్నాలు జరుగుతున్నాయి. ఇక హాలీవుడ్‌ స్థాయి సాంకేతిక హంగులతో తెరకెక్కిస్తున్న చిత్రం గ్రాఫిక్స్‌ హంగులకు సంబంధించి తాజాగా ఓ ఇంటర్వ్యూలో మాట్లాడిన దర్శకుడు.. ‘‘కల్కి 2898 ఏడీ’ సినిమా షూటింగ్‌ తొంభై శాతం పూర్తైంది. మిగతాది కూడా త్వరలోనే కంప్లీట్ చేస్తాం. ఈ సినిమాలో ఓ కొత్త ప్రపంచాన్ని ఆవిష్కరిస్తున్నాం. ప్రేక్షకులు కొత్త అనుభూతి పొందుతారు. ప్రభాస్‌ సరికొత్తగా అలరిస్తాడు. సినిమా పూర్తికాగానే విడుదల తేదీని అధికారికంగా ప్రకటిస్తాం’ అని నాగ్‌అశ్విన్‌ చెప్పుకొచ్చాడు. ఇక అమితాబ్‌ బచ్చన్‌, కమల్‌హాసన్‌ వంటి దిగ్గజ నటులు కీలక పాత్రల్లో కనిపించనుండగా వైజయంతీ మూవీస్‌ పతాకంపై సి.అశ్వనీదత్‌ నిర్మిస్తున్నారు.

Read More: ‘వండర్ ఉమెన్ ఫేమ్’గాల్ గాడోట్‌కు తెలుగు నేర్పిన అలియా!