'నా వెంట‌ప‌డుతున్న చిన్నాడెవ‌డ‌మ్మా'.. ఆకట్టుకుంటున్న ట్రైలర్
దిశ, సినిమా : తేజ్ కూర‌పాటి, అఖిల ఆక‌ర్షణ జంట‌గా వస్తున్న చిత్రం 'నా వెంట ప‌డుతున్న చిన్నాడెవ‌డ‌మ్మా'. వెంక‌ట్ వందెల ద‌ర్శక‌త్వంలో తెరకెక్కిన ఈ మూవీ నుంచి తాజాగా స్టార్ డైరెక్టర్ బి. గోపాల్ చేతులమీదుగా ట్రైలర్ రిలీజ్ చేశారు మేకర్స్. ఈ సందర్భంగా ఏర్పాటు చేసిన కార్యక్రమానికి ప్రసన్న కుమార్, యం. ఆర్. సి. వడ్లపాటి చౌదరి, పద్మిని నాగులపల్లి, శశి ప్రీతమ్, జానకిరామ్ తదితరులు హాజరయ్యారు. ఈ చిత్రంలోని సాంగ్స్, ట్రైలర్ అన్నీ బాగున్నాయని.. మూవీ తప్పకుండా బిగ్ హిట్ అవుతుందంటూ చిత్ర బృందానికి ఆల్ ది బెస్ట్ చెప్పారు. ఇక జివిఆర్ ఫిల్మ్ మేకర్స్ స‌మ‌ర్పణ‌లో రాజ‌ధాని ఆర్ట్ మూవీస్ బ్యాన‌ర్‌పై ముల్లేటి నాగేశ్వరావు నిర్మాణ సార‌ధ్యంలో ముల్లేటి క‌మ‌లాక్షి, గుబ్బల వెంక‌టేశ్వరావు‌లు సంయుక్తంగా నిర్మించిన సినిమాకు సందీప్ కుమార్ సంగీతం అందించారు. కాగా ఈ చిత్రం 2022 సెప్టెంబర్ 2న గ్రాండ్‌గా ప్రేక్షకుల ముందుకు రాబోతుంది.
