మృణాల్‌ బర్త్ డే స్పెషల్.. ‘హాయ్‌ నాన్న’ నుంచి ఫస్ట్‌లుక్ రిలీజ్

దిశ, సినిమా: స్టార్ హీరో నాని, మృణాల్‌ ఠాకూర్ జంటగా వస్తున్న తాజా చిత్రం ‘హాయ్‌ నాన్న’. శౌర్యువ్ దర్శకుడిగా పరిచయమవుతూ తెరకెక్కిస్తున్న ఈ సినిమా ప్రస్తుతం శరవేగంగా షూటింగ్‌ జరుపుకుంటుంది. అయితే ఆగస్టు 1న మృణాల్ బర్త్ డే సందర్భంగా ఆమెకు పుట్టిన రోజు శుభాకాంక్షలు తెలుపుతూ ఫస్ట్‌లుక్ పోస్టర్‌ను చిత్రబృందం రిలీజ్‌ చేసింది. గిటారు బ్యాగ్ వేసుకుని ఉన్న నటి క్యూట్‌గా చూస్తూ కనిపించగా.. ఆమె వెనకాల వన్ సైడ్ లుక్‌లో కనిపిస్తున్న నాని లుక్స్ అభిమానులను అట్రాక్ట్ చేస్తున్నాయి. ఇక ఈ సినిమాలో మృణాల్ గిటార్‌ నేర్పించే టీచర్‌గా కనిపించబోతున్నట్లు తెలుస్తుండగా.. ఫాదర్ డాటర్‌ సెంటిమెంట్‌తో తెరకెక్కుతున్న మూవీని వైరా ఎంటర్‌టైనమెంట్స్‌ బ్యానర్‌పై సుధాకర్‌ చెరుకూరి నిర్మిస్తున్నాడు. అబ్దుల్‌ హేషమ్ వాహబ్‌ సంగీతం అందిస్తున్నాడు.

Also Read: షారుఖ్ అభిమానినే కానీ అతన్ని ఫాలో అవుతా.. డబ్బు కోసం దిగజారిపోలేను