బిగ్ బాస్ 7లోకి మొగలి రేకులు హీరో?

దిశ, వెబ్‌డెస్క్ : తెలుగు ప్రేక్షకులు ఎప్పుడెప్పుడు బిగ్ బాస్ 7 షో మొదలవుతుందో అని ఎదురు చూస్తున్నారు. ఇక ఇప్పటికే ఆరు సీజన్స్ విజయవతంగా పూర్తి చేసుకొని, త్వరలో ఏడో సీజన్ ప్రారంభం కానుంది. ఈ సీజన్‌కు కూడా నాగార్జున హోస్ట్ చేయనున్నారు. అయితే 7వ సీజన్‌ను చాలా కొత్తగా ట్రై చేస్తున్నారంట. అతి త్వరలో అంటే సెప్టెంబర్‌లో ఈ షో ప్రారంభం కానుంది. ఇక ఇప్పటికే కొందరు కంటెస్టెంట్స్ కూడా ఖరారు అయినట్లు సమాచారం.

కాగా, ఈ సారి సీజన్ 7లోకి మొగలిరేకులు సీరియల్ ద్వారా మంచి ఫేమ్ సంపాదించుకున్న సాగర్ అడుగు పెట్టబోతున్నాడంట. ఆర్.కే. నాయుడు అనే పాత్రలో నటించి తెలుగు రాష్ట్రాల్లో సూపర్ పాపులర్ అయ్యాడు. ఆ తర్వాత కొన్ని సినిమాల్లోను హీరోగా నటించాడు. ఈ బిగ్ బాస్‌లో పాల్గొంటున్నందకు ఇక రెమ్యూనరేషన్ కూడా 70 నుంచి 80 వేల మధ్యలో ఉంటుందని తెలుస్తోంది.