‘పరువు’ సిరీస్‌పై మెగాస్టార్ చిరంజీవి రియాక్షన్.. ఆ విషయం తెలుసుకోవడానికి వెయిట్ చేస్తున్నానంటూ పోస్ట్
దిశ, సినిమా: టాలీవుడ్ యంగ్ బ్యూటీ నివేదా పేతురాజ్ ప్రధాన పాత్రల్లో నటించిన తాజా సిరీస్ ‘పరువు’. దీనికి వడ్లపాటి రాజశేఖర్ దర్శకత్వం వహించగా.. గోల్డ్ బాక్స్ ఎంటర్టైన్మెంట్స్ బ్యానర్‌‌పై విష్ణు ప్రసాద్, కొణిదెల సుస్మిత నిర్మించారు. అయితే ఇందులో నాగబాబు, నరేష్ అగస్త్య, ప్రణీత పట్నాయక్, అమిత్ తివారి, బిందు మాధవి కీలక పాత్రల్లో నటించారు. ఈ సిరీస్ జూన్ 14 నుంచి ప్రముఖ ఓటీటీ సంస్థ జీ5లో స్ట్రీమింగ్ అవుతోంది. ఇక ఈ వెబ్ సీరిస్ ప్రేక్షకుల నుంచి మంచి రెస్పాన్స్‌కు దక్కించుకుంటూ దూసుకుపోతుంది.
ఈ క్రమంలో.. తాజాగా, పరువు సిరీస్‌ను మెగాస్టార్ చిరంజీవి చూసి తన రివ్యూను ట్విట్టర్ వేదికగా తెలుపుతూ ఆసక్తికర పోస్ట్ పెట్టాడు. ‘‘ఘనవిజయం సాధించిన పరువు టీమ్‌కి అభినందనలు. కొణిదెల సుస్మిత మీ పట్ల గర్వంగా ఉన్నాను. అలాగే ఈ సంచలనాత్మక తెలుగు OTT కంటెంట్‌ని సృష్టించినందుకు నా ప్రియమైన సోదరుడు నాగబాబు అద్భుతంగా నటించాడు. ఒక చక్కటి plan తో చందు బాడీ మాయం చేసి, ఆ జంట పడే తిప్పలు, అదే విషయం MLA గారి పాట్లు. Last కి ఈ జంట తప్పించుకుందా లేదా అని season 2 లోనే చూడాలనుకుంటా’’ అని రాసుకొచ్చాడు. అంతేకాకుండా లింక్‌ను కూడా షేర్ చేశాడు చిరు. ప్రస్తుతం ఈ పోస్ట్ నెట్టింట వైరల్ అవుతుంది.
