వరలక్ష్మీ పూజలో పాల్గొన్న మెగా ప్రిన్సెస్ క్లీంకార.. ఉపాసన పోస్ట్ వైరల్
దిశ, వెబ్‌డెస్క్: గ్లోబల్ స్టార్ రామ్ చరణ్ సతీమణి మెగా కోడలు ఉపాసన గురించి ప్రత్యేకంగా పరిచయం అక్కర్లేదు. పెళ్లైన 11 ఏళ్ల తర్వాత ఇటీవల జూన్‌లో పండంటి ఆడబిడ్డకు జన్మనిచ్చింది. అయితే రామ్ చరణ్- ఉపాసన కూతురికి క్లీంకార గా నామకరణం చేసినట్లు మెగాస్టార్ రివీల్ చేశారు. ప్రస్తుతం మెగా కోడలు మాతృత్వాన్ని ఆస్వాదిస్తోంది. సోషల్ మీడియాలో యాక్టీవ్‌గా ఉంటూ పలు పోస్టులతో అభిమానులకు టచ్’లోనే ఉంటోంది. తాజాగా, ఉపాసన తన కూతురితో కలిసి తొలిసారిగా వరలక్ష్మీ పూజ చేసుకుంది. ఈ విషయాన్ని తెలుపుతూ తన ఇన్‌స్టాగ్రామ్‌లో ఓ ఫొటో షేర్ చేసింది. కానీ అందులో క్లీంకార ముఖం కనబడకుండా కవర్ చేసింది. అలాగే ‘‘క్లీంకారతో మొదటి వరలక్ష్మీ వ్రతం పూజ. ఇంతకు మించి మరేది అడగలేను’’ అనే క్యాప్షన్ ఇచ్చింది. దీంతో అది చూసిన మెగా ఫ్యాన్స్ మా చిట్టి తల్లి అని కామెంట్స్ పెడుతూ సంతోషాన్ని వ్యక్తం చేస్తున్నారు.
