పత్తి మిల్లులో భారీ అగ్ని ప్రమాదం

దిశ, ఆత్మకూరు (ఎం) : యాదాద్రి భువనగిరి జిల్లా ఆత్మకూరు మండల కేంద్రంలోని భారీ అగ్నిప్రమాదం చోటు చేసుకుంది. పట్టణంలోని సిద్దేశ్వర కాటన్ మిల్లు లో సోమవారం ఆకస్మిక మంటలు చెలరేగాయి. మంటలు గమనించిన స్థానికులు సిబ్బంది వెంటనే ఫైర్ అధికారులకు సమాచారం అందించారు‌.సంఘటన స్థలానికి చేరుకున్న ఫైర్ ఇంజన్ హుటాహుటిన మంటలను ఆర్పేందుకు ప్రయత్నిస్తున్నారు. ఈ ప్రమాదంలో సుమారు 150 క్వింటాళ్ల పత్తి ఉన్నట్లు తెలుస్తోంది.మండల కేంద్రంలో ఇతని భారీ అగ్ని ప్రమాదం జరగడంతో ప్రజలు భయాందోళనకు గురయ్యారు. ప్రమాదానికి షార్ట్ సర్క్యూట్ లేక మరి ఏదైనా కారణం ఉందా అనే కోణంలో పోలీసులు సంఘటన స్థలానికి చేరుకున్న దర్యాప్తు ప్రారంభించారు. ప్రమాదంలో ఎంత నష్టం వాటిల్లిందనేది ఇంకా తెలియాల్సి ఉంది.