వచ్చేసిన ‘మత్తు వదలరా-2’ విడుదల తేదీ.. పోస్టర్ వైరల్

దిశ, సినిమా: మ్యూజిక్ డైరెక్టర్ ఎమ్ఎమ్ కీరవాణి తనయుడు శ్రీసింహా మత్తు వదలరా సినిమాతో ఇండస్ట్రీకి ఎంట్రీ ఇచ్చిన విషయం తెలిసిందే. 2019లో వచ్చిన ఈ మూవీ ప్రేక్షకులను మెప్పించి హిట్‌గా నిలిచింది. సస్పెన్స్ థ్రిల్లర్‌గా తెరకెక్కిన ఈ చిత్రం మంచి గుర్తింపును తెచ్చిపెట్టింది. ఆ తర్వాత శ్రీసింహా పలు సినిమాల్లో నటించినప్పటికీ విజయం అందుకోలేకపోయాడు. దీంతో తన హిట్ మూవీకి సీక్వెల్ రాబోతున్నట్లు అధికారిక ప్రకటనను విడుదల చేసిన విషయం తెలిసిందే. తాజాగా, మత్తు వదలరా సీక్వెల్ రిలీజ్ డేట్ ప్రకటిస్తూ మేకర్స్ ఓ పోస్టర్‌ను విడుదల చేశారు. సెప్టెంబర్ 13న థియేటర్స్‌లో విడుదల కాబోతున్నట్లు తెలిపారు. అయితే ఈ పోస్టర్‌లో శ్రీసింహా, సత్య గన్ ఫైర్ చేస్తున్న లుక్ అందరినీ ఆకట్టుకుంటుంది.