కీర్తికి చురకలు అంటించిన కుమారి ఆంటీ.. దానికోసం ఇలా చేయడం నిజంగా సిగ్గు చేటే..!
దిశ, సినిమా: ‘మీది మొత్తం 1000 అయింది రెండు లివర్స్ ఎక్ట్రా’ అనే డైలాగ్ తో సోషల్ మీడియాలో తెగ వైరల్ అయ్యింది కుమారీ ఆంటీ. ఈ ఒక్క వీడియోలో కుమారి ఆంటీ ఏకంగా తెలంగాణ ముఖ్యమంత్రి రేవంత్ రెడ్డి దృష్టికే వెళ్లింది. కుమారి ఆంటీ ఫుడ్ సెంటర్ కారణంగా ట్రాఫిక్ జామ్ ఏర్పడుతుందని ట్రాఫిక్ పోలీసులు ఫుడ్ సెంటర్ తొలగించాలని హెచ్చరించగా.. సీఎం రేవంత్ రెడ్డి స్పందించి.. కుమారి ఆంటీ ఫుడ్ సెంటర్ తీసేయ్యడానికి వీల్లేదని ఆదేశాలు జారీ చేశారు.
రీసెంట్ గా బిగ్‌బాస్ ఫేమ్ కీర్తి భట్ కుమారి ఆంటీ ఫుడ్ సెంటర్ లో ఫుడ్ అస్సలు బాగోలేదని, జనాలు ఎందుకు ఎగబడి మరీ తింటున్నారు. నేను ఇప్పుడే వెళ్లి తినొస్తున్నాను. నేను ఇంట్లో చికెన్ కర్రీ కుమారి ఆంటీ కన్నా చాలా బాగా చేస్తాను. అంటూ ఓ వీడియోలో చెప్పుకొచ్చిన విషయం తెలిసిందే. దీనికి తాజాగా కుమారి ఆంటీ స్పందించి.. ‘‘నేను ఆ రోజు ఊరికి వెళ్లాను. వంట నేను చేయలేదు. మగాళ్లు చేసిన వంటకు ఆడవాళ్లు చేసిన వంటకు తేడా ఉండదా?
అందరికీ నా ఫుడ్ నచ్చాలని ఏం లేదు. కీర్తి అభిప్రాయాన్ని నేను గౌరవిస్తున్నాను. నా ఫుడ్ బాగోలేదని అన్నవాళ్లందరిని నేను తప్పు పట్టడం లేదు. కొందరికి నచ్చుతుంది. కొందరికి నచ్చదు’’. అంటూ కుమారి ఆంటీ చెప్పుకొచ్చింది. దీంతో పలువురు జనాలు కీర్తి భట్ కు.. కుమారి ఆంటీ కూల్ గా చురకలు అంటించిందిగా, చదువుకున్న కీర్తి కంటే కుమారి ఆంటీ హుందాగా ప్రవర్తించింది. యూట్యూబ్ వ్యూస్ కోసం కీర్తి భట్ ఒకరి భృతిని దెబ్బ తీసేలా చేయడం నిజంగా సిగ్గు చేటు. నచ్చకపోతే వదిలేయాలి. కానీ ఇలా ప్రచారం చేయడం అస్సలు పద్ధతి కాదు. అంటూ నెటిజన్లు కీర్తి పై మండిపడుతూ కామెంట్లు పెడుతున్నారు.
