KGF డైరెక్టర్ ప్రశాంత్ నీల్ ట్విట్టర్ బ్లాక్.. కారణం అదే
దిశ, వెబ్‌డెస్క్: ఇండస్ట్రీకి వచ్చిన అతి తక్కువ సమయంలోనే పాన్ ఇండియా రేంజ్‌లో పాపులారిటీ దక్కించుకున్న డైరెక్టర్‌లలో ప్రశాంత్ నీల్ ఒకరు. ఆయన డైరెక్ట్ చేసిన 'కేజీఎఫ్' సినిమా తర్వాత వరుస మూవీ ఆఫర్లు వచ్చాయి. ఈ క్రమంలోనే పాన్ ఇండియా స్టార్స్ ప్రభాస్‌, ఎన్‌టీఆర్‌లతో సినిమాలు అనౌన్స్ చేశారు ప్రశాంత్ నీల్. ఇలా వరుస పెట్టి టాలీవుడ్ హీరోలతో సినిమాలు అనౌన్స్ చేసే సరికి కన్నడ అభిమానులకు కోపం వచ్చింది.
కన్నడ హీరోలను వదిలేసి ప్రశాంత్ నీల్ పక్క భాష హీరోలతో సినిమాలు తీస్తున్నాడు అంటూ సోషల్ మీడియాలో రచ్చ చేశారు అభిమానులు. ఇక ఆ వాదన కొన్ని రోజులకు ఆగిపోగా.. ఈ మధ్య యష్ పుట్టిన రోజు కావడంతో ఆ వాదనలు మళ్లీ మొదలయ్యాయి. కేజీఎఫ్-3 సినిమా అప్ డేట్స్ కావాలంటూ యష్ ఫ్యాన్స్, కన్నడ ప్రేక్షకులు ప్రశాంత్ నీల్‌కు వరుస పెట్టి ట్విట్టర్‌లో మెసేజ్‌లు చేశారు. ఈ క్రమంలో కొంత మంది మరి దురుసుగా మెసేజ్‌లు చేయడంతో ప్రశాంత్ నీల్ బాగా హర్ట్ అయినట్టు ఉన్నారు. తన ట్విట్టర్ ఖాతాను నిలిపివేశారు. మళ్లీ ఎప్పుడు ఓపెన్ చేస్తారో చూడాలి మరి.
