కోట్లు విలువ చేసే ఆస్తిని అమ్మకానికి పెట్టిన ఫైర్ బ్రాండ్!
దిశ, సినిమా: బాలీవుడ్ ఫైర్ బ్రాండ్ కంగనా రనౌత్ గురించి ప్రత్యేకంగా చెప్పాల్సిన పని లేదు. ఆమె పలు సినిమాల్లో నటిస్తూనే సోషల్ మీడియాలో పలు విషయాలపై తనదైన స్టైల్లో స్పందిస్తూ పోస్టులు పెడుతుంది. పలు వివాదాస్పద పోస్టులతో అమ్మడు చేసే రచ్చ అంతా ఇంతా కాదు. కంగనా ఓ వైపు సినిమాలు చేస్తూనే మరోవైపు రాజకీయాల్లోనూ ఫుల్ యాక్టివ్‌గా ఉంటుంది. ప్రస్తుతం ఆమె ఎమర్జన్సీ పేరుతో ఓ మూవీ చేస్తుంది. ఈ చిత్రం ఈ ఏడాది సెప్టెంబర్ 6న థియేటర్స్‌లో విడుదల కాబోతుంది.
ఇదిలా ఉంటే.. తాజాగా, కంగనా రనౌత్‌కు సంబంధించిన ఓ వార్త సోషల్ మీడియాలో వైరల్ అవుతోంది. ఆమె ముంబైలోని తన ఇంటిని, బాంద్రాలో దాదాపు రెండు అంతస్తుల భవనం అమ్మేందుకు రెడీ అయినట్లు సమాచారం. వాటి ధర ఏకంగా 40 కోట్లు విలువ ఉంటుందని టాక్. ప్రజెంట్ ఈ వార్త నెట్టింట వైరల్ అవుతూ అందరినీ అయోమయంలో పడేసింది. ఇందులో నిజమెంత అనేది తెలియనప్పటికీ ఈ విషయం తెలిసిన వారు ఆశ్చర్యపోతున్నారు. అయితే ఈ విషయాన్ని కంగన అధికారికంగా ప్రకటించకపోవడంతో ఫ్యాన్స్ కాస్త ఊపిరిపీల్చుకుంటున్నారు.
