Indian Idol: ఇండియన్ ఐడల్ స్టేజ్‌’పై పాటతో అదరగొట్టిన జవాన్.. నెటిజన్లు ఫిదా!

దిశ, సినిమా: ప్రేక్షకులను అలరించేందుకు ‘తెలుగు ఇండియన్ ఐడల్’ రెండో సీజన్ సిద్ధమైంది. మార్చి 3నుంచి ప్రతి శుక్రవారం, శనివారం సాయంత్రం 7గంటలకు ఈ షో ప్రీమియర్ కానుంది. ఇందులో భాగంగా మొదటి ఎపిసోడ్‌కు సంబంధించిన ప్రోమో రిలీజ్ చేశారు మేకర్స్. ఇందులో చక్రపాణి అనే ఓ భారత జవాన్ ‘నువ్వొస్తానంటే నేనొద్దంటానా’ సినిమాలోని ‘ఘల్.. ఘల్’ అనే పాట పాడి అదరగొట్టారు. ఇక అతడి గొంతువిన్న జడ్జీలు అతడిపై ప్రశంసలు కురిపిస్తూ సెలక్ట్ చేశారు. కానీ, ఆ జవాన్ నో అన్నాడు. ఎందుకంటే ‘నాకు పాటలంటే ఇష్టం. కానీ, ప్రాక్టీస్ చేసేందుకు టైమ్ ఉండదు. డ్యూటీ చేస్తూ ఏదో పాడుకుంటాను. ఇక నా సెలవులు కూడా ముగిశాయి. బార్డర్‌‏కు తిరిగి వెళ్లే సమయం వచ్చింది’ అని చెప్పాడు. దీంతో అక్కడున్న వాళ్లంతా నిలబడి జవాన్‌కు సెల్యూట్ చేశారు.