కొత్త సినిమాకు జాన్వీ కపూర్ గ్రీన్ సిగ్నల్.. హీరో ఎవరంటే?

దిశ, సినిమా: అతిలోక సుందరి శ్రీదేవి కూతురు జాన్వీ కపూర్ సినీ ఇండస్ట్రీలో వరుస సినిమాల్లో నటిస్తూ దూసుకుపోతుంది. ఈ అమ్మడు సినీ పరిశ్రమకు వచ్చిన అతి తక్కువ సమయంలోనే భారీ క్రేజ్‌ను దక్కించుకుంది. బాలీవుడ్, టాలీవుడ్ అనే తేడా లేకుండా వరుస ప్రాజెక్టులు ఓకే చేస్తుంది. ప్రజెంట్ జాన్వీ, ఎన్టీఆర్ దేవర సినిమాతో టాలీవుడ్ ఇండస్ట్రీకి పరిచయం కాబోతున్న సంగతి తెలిసిందే. దీనికి సంబంధించిన షూటింగ్ పూర్తవగా.. అక్టోబర్ 27న థియేటర్స్‌లో విడుదల కాబోతుంది.

అయితే ఈ మూవీ రిలీజ్ కాకముందే అమ్మడు గ్లోబల్ స్టార్ రామ్ చరణ్ RC16 చిత్రంలో చాన్స్ కొట్టేసింది. దీనికి సంబంధించిన పూజా కార్యక్రమాలు కూడా పూర్తయ్యాయి. అలాగే జాన్వీ మరో మూవీలోనూ ఆఫర్ దక్కించుకున్నట్లు టాక్. ఇదిలా ఉంటే.. తాజాగా, జాన్వీ కపూర్ ఓ కొత్త సినిమాకు గ్రీన్ సిగ్నల్ ఇచ్చినట్లు నెట్టింట వార్తలు వైరల్ అవుతున్నాయి. బ్యాక్ టు బ్యాక్ మూవీస్‌తో దూసుకుపోతున్న జాన్వీ సిద్దార్థ్ మల్హోత్రాతో ఓ మూవీ చేయబోతున్నట్లు టాక్. భారీ బడ్జెట్‌తో దీనిని దినేశ్ జైన్ తెరకెక్కించబోతున్నట్లు తెలుస్తోంది.