కలలు నెరవేర్చుకోవడానికి పగలు, రాత్రి కష్టపడుతున్నా: ఇషితా
దిశ, సినిమా : బాలీవుడ్ యంగ్ బ్యూటీ ఇషితా దత్తా 'దృశ్యం2'లో తన పాత్ర గురించి ఓపెన్ అయింది. అజయ్ దేవ్‌గన్, టబు భార్యాభర్తలుగా నటించిన ఈ మూవీలో తను పోషించిన క్యారెక్టర్ అందరికీ నచ్చుతుందని, ప్రతి ఒక్కరూ మనస్ఫూర్తిగా ఇష్టపడతారని చెప్పింది. అలాగే టెలివిజన్ నటిగా గుర్తింపు పొందిన తనకు హిందీ చిత్ర పరిశ్రమలో తనదైన ముద్ర వేయాలనే కల నెరవేర్చుకోవడానికి పగలు, రాత్రి కష్టపడి పనిచేస్తున్నట్లు తెలిపింది. రీసెంట్‌గా ఓ ఇంటర్య్వూలో పాల్గొన్న బ్యూటీ.. 'నేను 'దృశ్యం 2' కోసం ఉత్సాహంగా ఎదురు చూస్తున్నా. నా అభిమానులు, ప్రేక్షకులు ఈ చిత్రం సీక్వెల్ గురించి పదేపదే అడుగుతున్నారు. ఎట్టకేలకు తొందరలోనే మన ముందుకు రాబోతుంది. ఇంతకు ముందు సినిమాలు చేసినప్పటికీ 'దృశ్యం2'లో నా పాత్రను మెజారిటీ పీపుల్ గుర్తుంచుకుంటారు. సినిమా అందించిన ప్రతీ సీన్‌ను ప్రేక్షకులు తప్పకుండా ఆదరిస్తారు. కాబట్టి ఈ చిత్రంలో భాగమైనందుకు నిజంగా కృతజ్ఞురాలిని' అంటూ చెప్పుకొచ్చింది. అభిషేక్ పాఠక్ దర్శకత్వం వహించిన ఈ చిత్రం 2022 నవంబర్ 18న విడుదల కానుంది.
ఇవి కూడా చదవండి : దాన్ని ఆడవాళ్లు స్వార్థానికి వాడేస్తున్నారు.. పూనమ్ కౌర్ ఇంట్రెస్టింగ్ కామెంట్స్
