శ్రీలీల ముందు శేఖర్ మాస్టర్ తక్కువేనా? వైరల్ అవుతోన్న డాన్స్ వీడియో!

దిశ, వెబ్‌డెస్క్: టాలీవుడ్ యంగ్ హీరోయిన్ శ్రీలీల సీనియర్ స్టార్ హీరోయిన్లను సైతం పక్కకు నెట్టేసి ప్రస్తుతం అగ్ర హీరోల సరసన నటిస్తోంది. ఇక ఈ బ్యూటీ డాన్స్ గురించి ప్రత్యేకంగా చెప్పాల్సిన అవసరం లేదు. ఈ హీరోయిన్ నితిన్ సరసన వంశీ దర్శకత్వంలో ‘‘ఎక్ర్టా ఆర్డినరీ మ్యాన్’’ చిత్రంలో నటిస్తోంది. తాజాగా ఈ మూవీ నుంచి ‘డేంజర్ పిల్ల’ అనే బ్యూటీఫుల్ మెలోడీ పాటను రిలీజ్ చేశారు. ప్రస్తుతం ఈ సాంగ్‌పై నెటిజన్లు వరుసగా రీల్స్ చేస్తున్నారు. తాజాగా స్టార్ కొరియోగ్రాఫర్ శేఖర్ మాస్టర్, శ్రీలీల కలిసి ఈ పాటకు కళ్లు చెదిరే స్మూత్ స్టెప్పులతో డ్యాన్స్ చేసి నెటిజన్లను ఫిదా చేశారు. ఈ వీడియో బైట్‌ను ఈ ముద్దుగుమ్మ నెట్టింట షేర్ చేయగా.. ‘‘ప్రముఖ కొరియోగ్రాఫర్‌నే మించిపోయేలా డాన్స్ చేశావ్ శ్రీలీల వావ్, నీ డాన్స్ చూస్తుంటే చూపు పక్కకి కూడా తిప్పాలనిపిస్తలేదు, శేఖర్ మాస్టర్‌ను పూర్తిగా డామినేట్ చేవావ్‌గా’’ అంటూ నెటిజన్లు ఈ బ్యూటీపై కామెంట్ల వర్షం కురిపిస్తున్నారు.