వాళ్ల కారణంగానే జబర్దస్త్‌ను వదిలేశా.. వేణు యెల్దండి షాకింగ్ కామెంట్స్?
దిశ, వెబ్ డెస్క్: కమెడియన్ వేణుయెల్దండి జబర్దస్త్‌లోకి ఎంట్రీ ఇచ్చాడు. వేణు వండర్స్‌ పేరుతో స్కిట్లు చేసి ప్రేక్షకులను అలరించాడు. ఆ తర్వాత కమెడియన్‌గా సినిమాల్లో నటించాడు. ఇటీవల ‘బలగం’ సినిమాతో డైరెక్టర్‌గా మారి అద్భుతమైన సినిమాను తెరకెక్కించాడు. ఈ సినిమా భారీ విజయం సాధించడంతో వేణు ఫస్ట్ మూవీతోనే మంచి గుర్తింపును సొంతం చేసుకున్నాడు. దీంతో పలువురు ప్రముఖులు, అభిమానులు ఆయనలో ఇంత గొప్ప దర్శకుడు ఉన్నాడా? అని ఆశ్చర్యపోతున్నారు.
తాజాగా, ఓ ఇంటర్వ్యూలో పాల్గొన్న వేణు జబర్దస్త్‌ను వదిలేయడానికి కారణాలను తెలియజేశాడు. వేణు మాట్లాడుతూ.. టీమ్ లీడర్‌గా చేస్తున్నప్పుడు మంచి రేటింగ్స్ ఉండేవి. నాకు మంచి పారితోషికం కూడా ఇచ్చారు. కానీ, నాకు మొదటి నుంచి సినిమాల్లో ఉండటం అంటేనే ఇష్టం. అందుకే నాకు మంచి పారితోషికం ఇస్తున్నా సరే నన్ను నమ్ముకున్న సినిమా ఆర్టిస్టుల కోసం జబర్దస్త్‌ను మానేశాను. నాకు దర్శకుడిగా మారాలనే ఆశ ఎప్పటి నుంచో ఉంది. అందుకే ఆరేండ్లు కష్టపడి ఒక కథ రాసుకుని ‘బలగం’ మూవీ తీశాను. ఆ సినిమా గొప్ప విజయం సాధించింది’’ అంటూ చెప్పుకొచ్చాడు.
