పొలిటికల్ ఎంట్రీపై క్లారిటీ ఇచ్చిన హైపర్ ఆది.. ఆయన కోసం గెలుస్తా!

దిశ, సినిమా: కొద్ది రోజుల నుంచి జబర్దస్త్ కమెడియన్ హైపర్ ఆది రాజకీయాల్లోకి వస్తున్నాడని జోరుగా ప్రచారం జరుగుతుంది. జనసేన పార్టీ ఏర్పాటు చేసిన పలు కార్యక్రమాల్లో హైపర్ ఆది పాల్గొని.. సభల్లో రాజకీయ ప్రసంగాలతో హోరెత్తిస్తున్నాడు. ఆది మొదటిసారి తన పొలిటికల్ ఎంట్రీ గురించి ఓపెన్ అయ్యారు. హైపర్ ఆది తాజాగా ఓ సభలో మాట్లాడుతూ..

‘‘ప్రొఫెషన్ వేరు రాజకీయం వేరు. నేను ప్రస్తుతం ఈ స్థాయిలో ఉన్నాను అంటే జబర్దస్త్ షోనే కారణం. నాకు రోజాతో ఎలాంటి గొడవలు లేవు. జబర్దస్త్ సెట్స్‌లో రోజా ఎప్పుడు కూడా పాలిటిక్స్ గురించి మాట్లాడేవారు కాదు. నాగబాబులాగే ఈమె కూడా నన్ను ప్రోత్సహించారు. తను ఇష్టపడే వ్యక్తులు వేరు, నేను ఇష్టపడే వ్యక్తులు వేరు. నేను పవర్ స్టార్ పవన్ కళ్యాణ్ ఫ్యాన్‌ని. పవర్ స్టార్ అనుసరించే ప్రతి ఒక్క సిద్ధాంతం నాకు నచ్చుతుంది.

ఈ కారణంగా ఆయనతో నడవాలని నిర్ణయించుకున్నాను. పవన్ కళ్యాణ్‌ను ఎవరెమన్నా నాకు కోపం పోడుచుకోస్తుంది. ఏదైనా అంటే నేను తప్పకుండా రియాక్ట్ అవుతాను. ఆయన వ్యక్తిగతంగా ఎవరినీ దూషించరు. ప్రజల సమస్యల గురించి మాత్రమే మాట్లాడతారు. ఆయన గెలిస్తే జనాలకు తప్పకుండా మంచి చేస్తాడు. ఆయనే గెలవాలని నేను మనస్ఫూర్తిగా కోరుకుంటాను. నేను పదవులు, ఎమ్మెల్యే టికెట్లు ఆశించి జనసేనకు సపోర్ట్ చేయడం లేదు.

ఒకవేళ నాకు జనసేన టికెట్ ఇచ్చి పోటీ చేయమంటే మాత్రం తప్పకుండా చేస్తాను. పవన్ కల్యాన్‌ను గెలిపించడం కోసమైన నేను గెలుస్తాను. ఈసారి కూడా జనసేన తరపున నేను క్యాంపైన్ చేయడానికి వెళతాను... అని అన్నారు. ఆది మాటలు విన్న నెటిజన్లు.. జనసేన పార్టీకి టీడీపీ ఇచ్చే కొద్ది సీట్లల్లో హైపర్ ఆదికి ఒక టికెట్ ఇవ్వడం ఖాయమంటున్నారు. ప్రస్తుతం హైపర్ ఆది కామెంట్స్ సోషల్ మీడియాలో హాట్ టాపిక్‌గా మారాయి.