ప్రభాస్ ఫ్యాన్స్‌కు భారీ గుడ్ న్యూస్.. కల్కి ప్రీ రిలీజ్ ఈవెంట్ డేట్ ఫిక్స్.!..ఎప్పుడు?..ఎక్కడంటే
దిశ, సినిమా: టాలీవుడ్ టాలెంటెడ్ డైరెక్టర్ నాగ్‌ అశ్విన్‌ తెరకెక్కిస్తున్న మూవీ కల్కి 2898 ఏడీ. ఈ మూవీలో పాన్ ఇండియా స్టార్ ప్రభాస్, బాలీవుడ్ బ్యూటీస్ దీపిక పదుకొనె, దిశా పటాని నటిస్తుండగా..బిగ్ బి అమితాబ్ బచ్చన్ అశ్వద్ధామగా కనిపించనున్నాడు. ఈ సినిమాను ప్రముఖ నిర్మాణ సంస్థ వైజయంతి మూవీస్ దాదాపు రూ.700 కోట్ల భారీ బడ్జెట్ తో తెరకెక్కిస్తోంది. ఇండియన్ మైథలాజికల్‌ అండ్ సైన్స్ ఫిక్షన్‌ కథాంశంతో వస్తున్న ఈ సినిమాను హాలీవుడ్ రేంజ్ లో తెరకెక్కిస్తున్నారు మేకర్స్. సంతోష్ నారాయణన్ సంగీతం అందిస్తున్న ఈ సినిమాపై ప్రేక్షకుల్లో భారీ అంచనాలు నెలకొన్నాయి. లుక్స్, విజువల్స్, గ్రాఫిక్స్ పరంగా సినిమా నెక్స్ట్ లెవల్లో ఉండడంతో ఆ అంచనాలు భారీగా పెరుగుతున్నాయి.
అయితే..ఈ మూవీ నుంచి క్రేజీ న్యూస్ ఒకటి సోషల్ మీడియాలో హల్‌చల్ చేస్తుంది. ఈ సినిమా 2024 జూన్ 27న వరల్డ్ వైడ్ గా రిలీజ్ కాబోతున్న విషయం తెలిసిందే. ఇందులో భాగంగా ఈ మూవీ ప్రీ రిలీజ్ ఈవెంట్‌కి డేట్ ఫిక్సైనట్లు ఓ వైపు వార్తలు వినిపిస్తున్నాయి. అందుకు హైదరాబాద్‌లోని ప్రముఖ రామోజీ ఫిలిం సిటీలో ప్రీ రిలీజ్ ఈవెంట్‌ను ఘనంగా నిర్వహించేందుకు ఏర్పాట్లు కూడా జరుగుతున్నాయని టాక్ మొదలయ్యింది. ఈ భారీ ఈవెంట్ మే 22న గ్రాండ్ గా నిర్వహించనున్నారట మేకర్స్. అతి త్వరలోనే ఇందుకు సంబంధించిన అఫీషియల్ అనౌన్స్‌మెంట్ రానున్నట్లు సమాచారం.
