హాలీవుడ్ బ్లాక్‌ బ‌స్టర్ ‘ఓపెన్‌హైమ‌ర్’ ఓటీటీ రిలీజ్ డేట్ ఫిక్స్..
దిశ, సినిమా: జీనియస్ డైరెక్టర్ క్రిస్టోఫర్ నోలన్ తెరకెక్కించిన లేటెస్ట్ బ్లాక్‌బ‌స్టర్ హాలీవుడ్ చిత్రం ‘ఓపెన్ హైమ‌ర్’. జూలై 21న విడుద‌లైన ఈ బ‌యోగ్రాఫిక‌ల్ థ్రిల్లర్ మూవీ 900 మిలియ‌న్లకుపైగా క‌లెక్షన్స్ రాబ‌ట్టి, ఈ ఏడాది హాలీవుడ్‌లో మూడో హ‌య్యెస్ట్ గ్రాసింగ్ మూవీగా రికార్డ్ క్రియేట్ చేసింది. అణుబాంబును క‌నిపెట్టిన సైంటిస్ట్ ఓపెన్ హైమ‌ర్ జీవితం ఆధారంగా తెరకెక్కించిన ఈ సినిమాలో.. అణుబాంబును క‌నిపెట్టడంలో ఆయన ఎదుర్కొన్న సమస్యలు, ఎదురైన రాజ‌కీయ ఒత్తిడుల‌ను చూపించారు. ముఖ్యంగా ప్రధానపాత్రలో నటించిన సిలియన్ మర్ఫీ.. తన నటనతో సినిమాను మరో లెవెల్ కి తీసుకెళ్లాడు. ఇక ఈ మూవీ ఓటీటీలోకి వ‌చ్చేస్తోంది. నవంబర్ 21 నుంచి అమెజాన్ ప్రైమ్ లో స్ట్రీమింగ్ కానుంది. కానీ ఇంకో షాకింగ్ విషయం ఏంటంటే.. ఓటీటీ రిలీజ్‌కు ప‌ది రోజులు ఉండ‌గానే ఈ సినిమా ఆన్‌లైన్‌లో లీకైంది. అది కూడా HD వెర్షన్ లో అందుబాటులో ఉంది.
