రాజకీయాల్లోకి ఎంట్రీపై హీరోయిన్ Trisha క్లారిటీ
దిశ, సినిమా : సీనియర్ నటి త్రిష తాను రాజకీయాల్లోకి రాబోతున్నట్లు వస్తున్న వార్తలను కొట్టిపారేసింది. కొంతకాలంగా ఆమె కాంగ్రెస్‌ పార్టీలో చేరబోతుందంటూ భారీ ఎత్తున ప్రచారం జరుగుతోంది. ఈ క్రమంలోనే తాను నటించిన తాజా చిత్రం 'రాంగీ' డిసెంబర్ 30న విడుదలకాబోతున్న సందర్భంగా ప్రమోషన్స్‌లో పాల్గొంటున్న నటి..రీసెంట్ ఇంటరాక్షన్‌లో క్లారిటీ ఇచ్చింది. 'నాకు ఏ రాజకీయాలతో సంబంధం లేదు. కాంగ్రెస్‌లో చేరుతున్నట్లు వస్తున్న వార్తలన్నీ అబద్ధాలే. చిత్రపరిశ్రమకు వచ్చి 20 ఏళ్లు గడిచిపోయాయి. ఈ రెండు దశాబ్దాల్లో వాస్తవిక అంశాలను మాత్రమే పరిగణనలోకి తీసుకున్నా. విమర్శలను ఏమాత్రం పట్టించుకోలేదు. ఇప్పుడు ఈ పాలిటిక్స్ ఇష్యూను కూడా పెద్దగా పట్టించుకోవట్లేదు' అని స్పష్టం చేసింది. ఇక ఈ మధ్య తన పెళ్లి గురించి కూడా పెద్ద ఎత్తున చర్చ నడుస్తుందన్న ఆమె ఇప్పట్లో అలాంటి ఆలోచన లేదని, అభిమానులు కూడా కొంతకాలం ఓపిక పట్టాలని సూచించింది.
Also Read...
