చిరంజీవి కోసం డైరెక్టర్‌కే వార్నింగ్ ఇచ్చిన హీరో కార్తికేయ..!
దిశ, సినిమా: శివ కార్తికేయన్ నటించిన తాజా సినిమా ‘అయలాన్’. నూతన దర్శకుడు రవికుమార్ తెరకెక్కించిన ఈ మూవీ తెలుగులో జనవరి 26 రిలీజ్ చేసేందుకు సన్నాహాలు జరుగుతున్నాయి. ఈ క్రమంలోనే ప్రీ రిలీజ్ ఈవెంట్ నిన్న నైట్ హైదరాబాద్‌లో జరిగింది. ఈ కార్యక్రమానికి హీరో కార్తికేయ, దర్శకులు గోపీచంద్ మలినేని, వశిష్ఠ ముఖ్య అతిథులుగా హాజరయ్యారు. ఈ సందర్భంగా టాలీవుడ్ యంగ్ హీరో కార్తికేయ మెగాస్టార్ చిరంజీవి నెక్స్ట్ మూవీ డైరెక్టర్‌కి హెచ్చరిక జారీ చేశాడు.
కార్తికేయ మెగాస్టార్ చిరంజీవికి ఎంత పెద్ద అభిమానో అందరికీ తెలిసిందే. సందర్భానుసారంగా ఆయనపై ఉన్న అభిమానాన్ని ఏదో ఒక రూపంలో చూపుతూ ఉంటాడు. ఈ క్రమంలోనే ‘అయలాన్’ ప్రీ రిలీజ్ ఈవెంట్‌లో చిరంజీవిపై మరోసారి తన అభిమానాన్ని చాటుకున్నాడు. కార్తికేయ మాట్లాడుతూ.. ‘ఒక ఫ్యాన్‌గా చెబుతున్నా సార్, విశ్వంభర అదిరిపోవాలి. దాని బాధ్యత మీ మీదనే పెడుతున్నాము’ అంటూ డైరెక్టర్ వశిష్ఠను హెచ్చరిస్తున్నట్లు మాట్లాడి.. చివరిలో ఇది రిక్వెస్ట్.. అంటూ చెప్పుకొచ్చారు. ప్రస్తుతం ఈ వ్యాఖ్యలు నెట్టింట వైరల్ అవుతున్నాయి. కాగా.. చిరంజీవి లేటెస్ట్ మూవీకి ‘విశ్వంభర’ అనే టైటిల్ ఫిక్స్ చేశారు.
