హీరో బర్త్ డే స్పెషల్.. ‘బిల్లారంగా బాషా-ఫస్ట్ బ్లడ్’ పవర్ ఫుల్ టైటిల్‌ పోస్టర్ రిలీజ్
దిశ, సినిమా: ప్రైమ్ షో ఎంటర్‌టైన్‌మెంట్ బ్యానర్‌పై తెరకెక్కిన హనుమాన్ సినిమా ఊహించని విధంగా బ్లాక్ బస్టర్ హిట్ అయిన సంగతి తెలిసిందే. ఈ చిత్రానికి నిరంజన్ రెడ్డి, చైతన్య నిర్మాతలుగా వ్యవహరించారు. తాజాగా, ప్రైమ్ షో వారు భారీ ప్రాజెక్ట్‌ను అనౌన్స్ చేశారు. దీనికి బిల్లారంగాభాషా-ఫస్ట బ్లడ్ అనే పవర్ ఫుల్ టైటిల్‌ను ఫిక్స్ చేసినట్లు పోస్టర్‌ను వదిలారు. అయితే దీనికి అనూప్ భండారీ దర్శకత్వం వహిస్తుండగా.. ఇందులో హీరోగా కిచ్చా సుదీప్ నటిస్తున్నాడు.
సెప్టెంబర్ 2న ఈ రోజు ఆయన పుట్టిన రోజు కావడంతో కాన్సెప్ట్ వీడియోను కూడా షేర్ చేశారు. ప్రజెంట్ షూటింగ్ జరుపుకుంటున్న ఈ మూవీ పాన్ ఇండియా రేంజ్‌లో విడుదల కాబోతున్నట్లు సమాచారం. అయితే సుదీప్, అనూప్ కాంబోలో ఇప్పటికే విక్రాంత్ రోణా వచ్చిన విషయం తెలిసిందే. దీని ద్వారా వీరిద్దరికి మంచి క్రేజ్ వచ్చింది. ఇక ఇప్పుడు మరోసారి వారి కాంబోలో మరో సినిమా రాబోతుండటంతో సినీ ప్రియుల్లో భారీ అంచనాలు నెలకొన్నాయి.
