ప్రభాస్ ఫ్యాన్స్‌కి గుడ్ న్యూస్.. ‘మిస్టర్ పర్‌ఫెక్ట్’ మూవీ రీ రిలీజ్..రెస్పాన్స్ అదుర్స్!
దిశ,వెబ్‌డెస్క్: టాలీవుడ్ ఇండస్ట్రీలో ప్రభాస్ గురించి సుపరిచితమే. ఇండస్ట్రీకి పరిచయమైన కొద్ది రోజుల్లోనే స్టార్ హీరోగా ఎదిగారు. తక్కువ సమయంలోనే ఫ్యాన్స్ ఫాలొయింగ్‌ను సొంతం చేసుకున్నారు. అయితే స్టార్ హీరో ప్రభాస్ నటించిన మూవీస్ బాక్సాఫీస్ వద్ద హిట్ అందుకున్నాయి. ఈ క్రమంలోనే ప్రభాస్ నటించిన సినిమాల నుంచి ఇంట్రెస్టింగ్ న్యూస్ వైరల్ అవుతోంది. అది ఏంటంటే..ప్రభాస్, కాజల్ అగర్వాల్ నటించిన మిస్టర్ పర్‌ఫెక్ట్ విడుదలైన సమయంలో మంచి హిట్ అందుకుంది. ఈ మూవీలో మరో హీరోయిన్ తాప్సీ కూడా నటించి అలరించిన విషయం తెలిసిందే. అయితే కాజల్, ప్రభాస్ కాంబోలో వచ్చిన డార్లింగ్ మూవీ కూడా హిట్ అందుకుంది.
వీరిద్దరి జోడి బాగుందంటూ కామెంట్స్ కూడా పెట్టారు. ఈ సినిమా తెలుగు ప్రేక్షకులను ఎంతగానో అలరించింది. నిజం చెప్పాలంటే ఇప్పటికీ ఈ మూవీకి ఫ్యాన్స్ ఎక్కువే.పాన్ ఇండియా స్టార్ ప్రభాస్ హీరోగా నటించిన మిస్టర్ పర్‌ఫెక్ట్ సినిమాకు జపాన్ ప్రేక్షకులు ఫిదా అయ్యారు. 2011లో వచ్చిన ఈ సినిమాను జపాన్‌లో రిలీజ్ చేయగా.. ఊహించని రెస్పాన్స్ వచ్చింది. ఈ రెస్పాన్స్‌తో జపాన్‌లో ప్రభాస్‌ను ఎంతలా ఆదరిస్తారో మరోసారి రుజువైంది. దీంతో వచ్చే నెల 27న రిలీజ్ కానున్న ‘కల్కి’ పై భారీగా అంచనాలు పెరిగాయి. 2017 లో అక్కడ ‘బాహుబలి’ రిలీజ్ కాగా 1 మిలియన్ USD లను వసూలు చేసింది.
