Pawan kalyan ఫ్యాన్స్‌కు సూపర్ న్యూస్.. OG అప్డేట్ ఇచ్చిన డైరెక్టర్
దిశ, వెబ్‌డెస్క్: పవర్ స్టార్ పవన్ కల్యాణ్ రాజకీయాల్లో బిజీగా ఉంటూనే వరుస చిత్రాలను పూర్తి చేస్తున్న విషయం తెలిసిందే. ఇటీవల విడుదలైన ‘బ్రో’ సినిమా ప్రేక్షకులను ఆకట్టుకుంది. అయితే పవన్ కల్యాణ్, డైరెక్టర్ సుజీత్ కాంబినేషన్‌లో ‘ఓజీ’ చిత్రం రాబోతున్న సంగతి తెలిసిందే. ఇప్పటికే విడుదలైన పోస్టర్స్ సినిమాపై భారీ అంచనాలను పెంచేశాయి. తాజాగా, ఓజీ ఫస్ట్ గ్లింప్స్ గురించి డైరెక్టర్ సుజిత్ అప్డేట్ ఇచ్చారు. పవన్ పుట్టిన రోజున సెప్టెంబర్ 2న ఓజీ ఫస్ట్ గ్లింప్స్ రిలీజ్ చేస్తున్నట్లు సుజిత్ తన ఇన్‌స్టాగ్రామ్ వేదికగా అధికారిక ప్రకటనను విడుదల చేశారు. దీంతో అది చూసిన ఫ్యాన్స్ ఫుల్ ఖుష్ అవుతున్నారు. ఈ మూవీ డిసెంబర్‌లో విడుదల కానుంది. కాగా, ఇందులో బాలీవుడ్ నటుడు ఇమ్రాన్ హష్మి, ప్రకాష్ రాజ్, శ్రియ రెడ్డి, అర్జున్ దాస్ వంటి వారు కీలక పాత్రల్లో నటిస్తున్నారు. డీవీవీ ఎంటర్‌టైన్మెంట్స్ బ్యానర్‌లో డీవీవీ దానయ్య ఓజీ సినిమాను నిర్మిస్తున్నారు. దీనికి మ్యూజిక్ తమన్ అందిస్తున్నాడు.
Also Read: ‘Jailer’ మూవీపై Nagababu కామెంట్స్ వైరల్.. Rajinikanthను Chiranjeevi, Pawanతో పోల్చుతూ..
