Ram Charan: రామ్ చరణ్ ఫ్యాన్స్‌కి గుడ్ న్యూస్.. ‘గేమ్ చేంజర్’ అప్డేట్ ఇచ్చిన మ్యూజిక్ డైరెక్టర్ (పోస్ట్)
దిశ, సినిమా: గ్లోబల్ స్టార్ రామ్ చరణ్, శంకర్ కాంబినేషన్‌లో రాబోతున్న మోస్ట్ వెయిటెడ్ మూవీ ‘గేమ్ ఛేంజర్’. ఇందులో బాలీవుడ్ బ్యూటీ కియారా అద్వానీ హీరోయిన్‌గా నటిస్తుండగా.. తమన్ సంగీతం అందిస్తున్నాడు. అయితే ఇప్పటికే ఈ సినిమా షూటింగ్ మొదలై మూడేళ్లు అవుతున్నప్పటికీ రిలీజ్ కాలేదు. అయితే ఇందులోంచి విడుదలైన అప్డేట్స్ మాత్రం భారీ అంచనాలు పెంచేశాయి. కానీ గత కొద్ది రోజుల నుంచి మేకర్స్ గేమ్ ఛేంజర్ అప్డేట్ ఇవ్వకపోవడంతో సినిమా ఆగిపోయిందా అనే అనుమానంలో ఫ్యాన్స్ ఉండిపోయారు. ఇక మేకర్స్ ఇటీవల గేమ్ ఛేంజర్ డిసెంబర్ క్రిస్మస్ కానుకగా విడుదల కాబోతున్నట్లు ప్రకటించారు. కానీ అప్డేట్స్ ఇవ్వలేదు.
దీంతో మూవీకి సంబంధించిన అప్డేట్స్ విడుదల చేయాలని నిత్యం సోషల్ మీడియాలో పలు పోస్టులు పెడుతున్నారు. ఈ క్రమంలో.. తాజాగా, గేమ్ ఛేంజర్ సినిమాకు వర్క్ చేస్తున్న తమన్ అప్డేట్ రాబోతున్నట్లు హింట్ ఇచ్చాడు. ట్విట్టర్ వేదికగా గేమ్ ఛేంజర్ అని పెట్టి ఫైర్, బాంబ్ ఎమోజీలు షేర్ చేస్తూ వినాయక చవితి శుభాకాంక్షలు అని రాసుకొచ్చాడు. అంటే సెప్టెంబర్ 7న పండుగ సందర్భంగా అప్డేట్ రాబోతుందని చెప్పాడు. దీంతో ఈ విషయం తెలుసుకున్న మెగా ఫ్యాన్స్ ఎప్పుడెప్పుడు వస్తుందా అని ఆసక్తిగా ఎదురు చూస్తున్నారు.
