ఇన్‌టెన్స్ ఎమోష‌న‌ల్ డ్రామా.. మార్చి 22న వస్తున్న ‘గీత సాక్షిగా’
దిశ, సినిమా: నిజ ఘ‌ట‌న‌ల ఆధారంగా రూపొందిన ఇన్‌టెన్స్ ఎమోష‌న‌ల్ డ్రామా ‘గీత సాక్షిగా’. ఆద‌ర్శ్‌, చిత్రా శుక్లా జంట‌గా న‌టించిన ఈ చిత్రం నుంచి బిగ్ అప్ డేట్ ఇచ్చారు మేకర్స్. ఈ మేరకు ప్రేక్షకులందరికీ హోలీ శుభాకాంక్షల‌ను తెలియ‌జేస్తూ సినిమాను మార్చి 22న తెలుగు, హిందీ భాష‌ల్లో విడుదల చేయ‌బోతున్నట్లు ప్రక‌టిస్తూ ‘‘గీత సాక్షిగా’ జ‌డ్జ్‌మెంట్ డే మార్చి 22న’ అనే కొత్త పోస్టర్‌ను రిలీజ్ చేశారు.
ఈ సందర్భంగా ఏర్పాటు చేసిన కార్యక్రమంలో మాట్లాడిన మేకర్స్.. ‘మంచి సినిమాలను ప్రేక్షకులు ఎప్పటికీ ఆద‌రిస్తారు. రియల్ లైఫ్ స్టోరీలతో వస్తున్న మా సినిమాను కూడా విజయవంతం చేస్తారనే నమ్మకం ఉంది. ఇందులో కీ రోల్ పోషించిన చ‌రిష్మా చుట్టూనే సినిమా క‌థాంశం తిరుగుతుంది’ అన్నారు. అయ్యంగార్‌, రూపేష్ శెట్టి, చ‌రిష్మా, భ‌ర‌ణి శంక‌ర్‌, జ‌య‌ల‌లిత, అనితా చౌద‌రి, రాజా ర‌వీంద్ర కీలక పాత్రల్లో కనిపించనుండగా ఆంథోని మ‌ట్టిప‌ల్లి దర్శకత్వంలో చేత‌న్ రాజ్‌ చిత్రాన్ని నిర్మించాడు.
ఇవి కూడా చదవండి : ప్రేక్షకుల్లో ఆసక్తిరేపుతున్న ‘సత్తిగాని రెండెకరాలు’ టీజర్‌
