ఫస్ట్ సింగిల్ ఇల్లీగల్ లీక్.. సైబర్ క్రైమ్ పోలీసులకు ‘Game Changer’ టీమ్ ఫిర్యాదు

దిశ, సినిమా : రామ్ చరణ్ ‘గేమ్ ఛేంజర్’ ఫస్ట్ సింగిల్ లీక్ అయిన విషయం తెలిసిందే. శంకర్ దర్శకత్వంలో తెరకెక్కుతున్న సినిమాను దిల్ రాజు నిర్మిస్తుండగా.. ఈ మూవీకి సంబంధించిన ఆడియో సాంగ్‌ను సోషల్ మీడియాలో ఇల్లీగల్‌గా రిలీజ్ చేశారు కొందరు. దీంతో మూవీ యూనిట్ సైబర్ క్రైమ్ పోలీసులను ఆశ్రయించింది. ‘జరగండి జరగండి’ అంటూ సాగే పాట అఫిషియల్‌గా రిలీజ్ కాకుండానే ప్రస్తుతం నెట్టింట వైరల్ అయిందని ఫిర్యాదులో పేర్కొన్న టీమ్.. ఈ లీక్‌కు కారణమైన వారిపై చర్యలు తీసుకోవాలని డిమాండ్ చేసింది. కాగా కియారా అద్వానీ హీరోయిన్‌గా నటిస్తున్న చిత్రానికి థమన్ సంగీతం అందించాడు. అయితే ఇది సాంగ్ బేసిక్ వెర్షన్ అని తెలుస్తుండగా.. లిరిక్స్ దారుణంగా ఉన్నాయనే విమర్శలు వస్తున్నాయి.