ప్రభాస్ ‘కల్కి’ నుంచి ఫస్ట్ సింగిల్.. డార్లింగ్ లుక్ చూసి ఫ్యాన్స్ షాక్!
దిశ, సినిమా: పాన్ ఇండియా స్టార్ ప్రభాస్ తాజా సినిమా ‘కల్కి 2898AD’. నాగ్ అశ్విన్ డైరెక్షన్‌లో వస్తున్న ఈ చిత్రంలో.. దీపికా పదుకొణె హీరోయిన్ కాగా.. అమితాబ్ బచ్చన్, కమల్ హాసన్, దిశా పటాని కీలక పాత్రలో నటిస్తున్నారు. వైజంతి మూవీ బ్యానర్‌పై రూపొంతున్న ఈ చిత్రం జూన్ 27 గ్రాండ్ రిలీజ్‌కు సిద్ధంగా ఉండటంతో.. వరుస అప్‌డేట్స్‌తో సందడి చేస్తున్నారు మేకర్స్. అంతే కాకుండా ఇటీవల వచ్చిన ట్రైలర్‌కు నెట్టింట విశేష స్పందన లభించింది.
అంచనాలకు మించిన రెట్టింపు ఎలివేషన్స్‌తో పవర్ ఫుల్ ట్రైలర్ వదలడంతో.. మూవీపై హైప్ మరింత పెరిగింది. ఈ క్రమంలోనే తాజాగా ‘కల్కి 2898AD’ నుంచి ఫస్ట్ సింగిల్ ప్రోమో రిలీజ్ చేశారు. ‘భైరవ ఆంథమ్’ పేరుతో ఒక ప్రోమోను రిలీజ్ చేశారు. అంతే కాకండా ఫుల్ సాంగ్‌ని రేపు విడుదల చేయనున్నట్లు సోషల్ మీడియా వేదికగా తెలియజేశారు మేకర్స్. ఇక ఇందులో ప్రభాస్ లుక్స్‌కు ఫ్యాన్స్ సర్‌ప్రైజ్ అవుతున్నారు. పిలకలో ప్రభాస్ క్యూట్ అంటూ సందడి చేస్తున్నారు.
