'మిస్టర్ ధర్మ' ట్రైలర్ రిలీజ్ చేసిన ఫిల్మ్ ఛాంబర్ అధ్యక్షులు బసిరెడ్డి

దిశ, సినిమా : శ్రీ వెంకటేశ్వరస్వామి మూవీస్ పతాకంపై ప్రదీప్ రాజ్ దర్శకత్వంలో రమేష్ ఆర్.కె. నిర్మిస్తున్న చిత్రం 'మిస్టర్ ధర్మ'. బ్రదర్ ఆఫ్ యమ అనే ట్యాగ్ లైన్‌తో వస్తున్న ఈ మూవీ ట్రైలర్ రిలీజ్ ఈవెంట్ ఫిల్మ్ ఛాంబర్‌లో ఘనంగా జరిగింది. ముఖ్య అతిథులుగా హాజరైన ప్రముఖ నిర్మాత ఫిల్మ్ ఛాంబర్ అధ్యక్షులు బసిరెడ్డి, వడ్డేపల్లి కృష్ణ, బాజ్జీ, కోట శంకరరావు, శాంత కుమార్ తదితరులు మాట్లాడుతూ.. సినిమా పోస్టర్ చూడగానే అమేజింగ్‌గా అనిపించిందన్నారు. అలాగే కమర్షియల్ అంశాలకు ప్రాధాన్యత ఇస్తూ ప్రదీప్ రాజ్ తెరకెక్కించిన తీరు బాగుందని, ట్రైలర్‌ చూస్తే సినిమా తప్పకుండా ఘన విజయం సాధిస్తుందనే నమ్మకం కలిగిందన్నారు. కామెడీ, రొమాన్స్‌తో కూడిన ఈ చిత్రం బిగ్ హిట్ కావాలని ఆకాంక్షించారు. భానుచందర్, కోట శంకరరావు, శాంతి కుమార్, రమేష్, శ్రీదేవి, రుక్మిణి, భానుచందర్, కోటా శంకర్ రావు, సెల్వరాజ్, సుమన్ శెట్టి, శాంతకుమార్, సురేష్ రాజ్, రమణారావు, నైనా, ప్రియ, గబ్బర్ సింగ్ విలన్ గ్యాంగ్ తదితరులు కీలకపాత్రల్లో నటించగా త్వరలోనే సినిమాను రిలీజ్ చేస్తామని మేకర్స్ వెల్లడించారు. కాగా నవీన్ జే సంగీతం సమకూరుస్తున్నారు.