‘సలార్’ నుంచి ఫైట్ సీన్ లీక్ అని ప్రచారం.. మూవీ టీమ్ ఫన్నీ రిప్లయ్

దిశ, సినిమా: ప్రభాస్ నటిస్తున్న వరుస పాన్ ఇండియా చిత్రాల్లో విడుదలకు సిద్ధంగా ఉన్న చిత్రం ‘సలార్’. ప్రశాంత్ నీల్ దర్శకత్వంలో తెరకెక్కుతున్న ఈ మూవీ డిసెంబర్ 22న విడుదల కానుంది. ఇక ఆడియన్స్ అంతా ఓ రేంజ్‌లో ఎదురుచూస్తున్న ఈ సినిమా నుంచి సోషల్ మీడియాలో మాత్రం ఆ లీక్.. ఈ లీక్ అంటూ వార్తలు వస్తున్నాయి. అయితే తాజాగా సోషల్ మీడియాలో ఒక నెటిజన్ ‘‘సలార్’ ఫైట్ సీన్ లీక్.. వీడియో ఎవరికి కావాలో వారు నాకు మెసేజ్ చేయండి’ అంటూ ట్వీట్ చేశాడు. ఇక ఈ ట్వీట్‌పై మూవీ టీం ఫన్నీగా స్పందిస్తూ.. ‘ఆ లీక్ అయిన ఫైట్‌ని మాకు కూడా DM చేయండి’ రిప్లై ఇచ్చింది. ఈ ఫైట్ లీక్ ఏమో కానీ.. వారు ఇచ్చిన రిప్లై మాత్రం సోషల్ మీడియాలో హైలెట్ అవుతుంది.