Tasty Teja: వరదల్లో చిక్కుకున్న కుటుంబం.. ప్లీజ్ సాయం చేయండంటూ బిగ్‌బాస్ టేస్టీ తేజ పోస్ట్
దిశ, సినిమా: రెండు తెలుగు రాష్ట్రాల్లో భారీ వర్షాల కారణంగా ఎంతోమంది వరదల్లో చిక్కుకున్నారు. ఇంకా కొందరు వరదల్లో కొట్టుకు ప్రాణాలు కోల్పోవడంతో వారి కుటుంబాలు కన్నీరుమున్నీరుగా విలపిస్తున్నారు. మరీ ముఖ్యంగా విజయవాడలో పరిస్థితి మరీ దారుణంగా మారాయి. బయటకు వస్తే నీరు.. ఇంట్లో ఉంటే ఆహారం లేక నానా అవస్థలు పడుతున్నారు. కొందరైతే ఎవరు వచ్చి సాయం అందిస్తారా అని బిక్కు బిక్కుమంటూ ఉన్నారు. అయితే వరదల్లో చిక్కుకున్న వారి కోసం ఏపీ ప్రభుత్వం సహాయక చర్యలు చెపట్టి వారికి డ్రోన్ల ద్వారా ఆహారం, నీరు అందిస్తున్నారు. రెస్క్యూ బృందాలు వరదల్లో చిక్కుకున్న వారిని కాపాడుతున్నారు.
ఈ నేపథ్యంలో సినీ సెలబ్రిటీలు సైతం తమ వంతుగా కొంత సహాయం అందిస్తున్నారు. ఇప్పటికే టాలీవుడ్ స్టార్ హీరో ఎన్టీఆర్, సిద్దు జొన్నలగడ్డ, త్రివిక్రమ్, నాగవంశీ, విశ్వక్ సేన్ వంటి వారు రెండు రాష్ట్రాలకు సాయం చేశారు. ఈ క్రమంలో.. తాజాగా, తెలుగు రియాలిటీ బిగ్‌బాస్ షో టేస్జీ తేజ ఓ కుటుంబాన్ని ఆదుకోవాలని ఇన్‌స్టా వేదికగా ఓ పోస్ట్ పెట్టాడు. అందులో చైతన్య అనే వ్యక్తి తన కుటుంబంతో పాటు వరదల్లో చిక్కుకుపోయాం అర్జెంట్‌గా కాపాడాలని కోరాడు. 10 రోజుల క్రితం పుట్టిన బిడ్డ, పాప, హార్ట్ పేషంట్స్, పసిపిల్లలు, ఆడవాళ్లు, అంతా ఇరుక్కుపోయామని, మూడు రోజులుగా తిండి, నీరు లేక ఇబ్బంది పడుతున్నామని బాధితులు వాపోయారు.
పసిపిల్లల ఆకలిని తీర్చేందుకు కూడా పాలు, నీళ్లు కూడా లేవని ఆవేదన వ్యక్తం చేశారు. అలాగే ఫోన్ కూడా ఆఫ్ అయ్యేలా ఉంది దయచేసి తొందరగా అధికారులు స్పందించి కాపాడాలని వేడుకున్నారు. ఇక ఈ వీడియోను టేస్జీ తేజ షేర్ చేస్తూ.. ‘‘షేర్ చేయండి. విజయవాడలో ఉన్న వారు ఎవరైనా ఈ కుటుంబానికి అర్జెంట్‌గా సహాయం చేయండి. 9160134339 (చైతన్య) 8977273699 నేను ఈ ప్రదేశానికి చేరుకోవడానికి నా శాయశక్తులా ప్రయత్నిస్తున్నాను. ఇంతలో మీలో ఎవరైనా ఈ న్యూస్ ని షేర్ చేస్తే లోకల్ లో ఉన్న వారు స్పందిస్తారు. వారికి త్వరలో సహాయం అందుతుంది’’ అని రాసుకొచ్చాడు.
