ఎన్టీఆర్‌లో ఆ టాలెంట్ ఉందా? విషయం తెలిసి షాక్ అవుతున్న ఫ్యాన్స్
దిశ, సినిమా: జూనియర్ ఎన్టీఆర్ టాలీవుడ్ ఇండస్ట్రీలో ఎన్నో చిత్రాల్లో నటించి భారీ హిట్స్‌ను తన ఖాతాలో వేసుకున్నాడు. ఇటీవల ఆర్ఆర్ఆర్ సినిమాతో ప్రపంచవ్యాప్తంగా పాపులారిటీని సంపాదించుకోవడంతో పాటు గ్లోబల్ స్టార్‌గా మారిపోయాడు. అంతేకాకుండా నందమూరి ఫ్యామిలీ మొత్తంలో ఎన్టీఆర్ ఓ స్పెషల్ ఈమోజ్‌ను దక్కించుకుని కొద్ది కాలం నుంచి స్టార్ హీరోగా రాణిస్తున్నాడు. అలాగే పలు చిత్రాల్లో సాంగ్స్ కూడా పాడి అందరినీ ఆకట్టుకున్నాడు. ప్రస్తుతం తారక్ కొరటాల శివ డైరెక్షన్‌ చేస్తున్న దేవర సినిమాలో నటిస్తున్నాడు. ఇందులో బాలీవుడ్ బ్యూటీ జాన్వీ కపూర్ హీరోయిన్‌గా నటిస్తుంది.
అయితే గత కొద్ది కాలం నుంచి ఎన్టీఆర్ సోషల్ మీడియాకు దూరమై దేవర షూటింగ్‌లో ఫుల్ బిజీ అయిపోయారు. ఇదిలా ఉంటే.. తాజాగా, తారక్‌కు సంబంధించిన ఓ వార్త నెట్టింట వైరల్ అవుతోంది. ఇప్పటివరకు సింగర్‌గా, నటుడిగా అలరించిన ఆయనకు మరో టాలెంట్ కూడా ఉన్నట్లు సమాచారం. ఎన్టీఆర్ రభస సినిమాలోని ఓ పాటకు డాన్స్ స్టెప్స్ కొరియోగ్రఫీ చేశాడని తెలుస్తోంది. ఇక ఈ విషయం తెలిసి తారక్ ఫ్యాన్స్ షాక్ అవుతున్నారు. డ్యాన్స్, పాటలే, కొరియోగ్రఫీ కాకుండా ఇంకా ఎన్ని టాలెంట్స్ ఉన్నాయో అని చర్చించుకుంటున్నారు.
