Jailer Movie : రిజెక్ట్ చేసిన టాలీవుడ్ స్టార్ హీరో ఎవరో తెలుసా..?
దిశ, వెబ్‌డెస్క్: సూపర్ రజినీ కాంత్, డైరెక్టర్ నెల్సన్ కాంబినేషన్‌లో వచ్చిన సినిమా ‘జైలర్’. ఈ మూవీ ఆగస్టు 9న రిలీజై బాక్సాఫీస్ వద్ద భారీ కలెక్షన్లు రాబట్టి సూపర్ హిట్‌గా నిలిచింది. కొన్ని రోజులుగా వరుస పరాజయాలు అందుకుంటున్న రజినీకాంత్‌కు ఈ మూవీ బ్లాక్ బస్టర్ హిట్ ఇచ్చింది. అంతే కాకుండా.. ఈ సినిమా ప్రపంచ వ్యాప్తంగా దాదాపు రూ. 650 కోట్లు వసూళ్లు చేసింది. అయితే.. ఇంతటి బ్లాక్ బస్టర్ సినిమాను ఓ హీరో రిజెక్ట్ చేశాడని కోలీవుడ్ సోషల్ మీడియాలో ఓ వార్త హాట్ హాట్‌గా వైరల్ అవుతోంది.
ఆ హీరో మరెవరో కాదు.. మన మెగా స్టార్ చిరంజీవినే అట. డైరెక్టర్ నెల్సన్ దిలీప్ కుమార్ మొదట ఈ కథను చిరంజీవికి వినించాడట. అయితే.. అందులో పెద్దగా పాటలు లేవు, ఫైట్లు లేవంటూ చిరంజీవి ఈ మూవీపై అంతగా ఆసక్తి చూపించలేదట. దీంతో ఈ భారీ ప్రాజెక్ట్ రజినీ కాంత్ దక్కించుకున్నట్లు కోలీవుడ్‌లో టాక్ నడుస్తోంది. ఈ వార్తల్లో ఎంత వరకు నిజం ఉందో తెలియదు కానీ.. ఈ మూవీ చిరంజీవి చేసుంటే.. మెగా స్టార్ లిస్ట్‌లో మరో బ్లాక్ బస్టర్ చేరేది అంటూ నెట్టింట్ల కామెంట్లు చేస్తున్నారు నెటిజన్లు.
