Revu: ‘రేవు’ ఆడియో రిలీజ్.. వారి సపోర్ట్‌తోనే ముందుకు వెళ్లాం: డైరెక్టర్
దిశ, సినిమా: వంశీ రామ్ పెండ్యాల, అజయ్, స్వాతి భీమిరెడ్డి, ఏపూరి హరి ప్రధాన పాత్రల్లో నటిస్తున్న తాజా చిత్రం ‘రేవు’. సంహిత్ ఎంటర్‌టైన్‌మెంట్స్ బ్యానర్, పారుపల్లి ప్రొడక్షన్‌పై నిర్మాత డా. మురళీ గింజుపల్లి, నవీన్ పారుపల్లి సంయుక్తంగా నిర్మిస్తున్న ఈ మూవీకి హరినాథ్ పులి దర్శకత్వం వహిస్తున్నాడు. ఇప్పటికే అన్ని కార్యక్రమాలు పూర్తి చేసుకున్న ఈ సినిమా ఆగస్టులో విడుదల అయ్యేందుకు సిద్ధంగా ఉంది. ఈ మేరకు తాజాగా ఆడియో రిలీజ్ ఈవెంట్‌ను ఘనంగా నిర్వహించారు చిత్ర బృందం. ఈ ఈవెంట్‌కు ముఖ్య అతిథులుగా గీత రచయితలు చంద్రబోస్, రామజోగయ్య శాస్త్రి, సుద్దాల అశోక్ తేజ, అనంత్ శ్రీరామ్, కాసర్ల శ్యామ్ హాజరయ్యారు.
ఈ సందర్భంగా డైరెక్టర్ హరినాథ్ పులి మాట్లాడుతూ ‘‘రేవు’ సినిమాను మత్స్య కారుల జీవితాలను ప్రతిబింబించేలా రూపొందించాను. ఈ సినిమాలో స్టార్ కాస్ట్ ఎవరూ లేరు. ఈ మూవీని ప్రేక్షకుల ముందుకు ఎలా తీసుకెళ్లాలి అనుకుంటున్న టైమ్‌లో ప్రభు, పర్వతనేని రాంబాబు ఎంతో సపోర్ట్ చేస్తూ ముందుకు రావడం నా అదృష్టంగా భావిస్తున్నా. ఇవాళ ఇంతమంది పెద్దలు మా సినిమా ఈవెంట్‌లో పాల్గొని ఆశీర్వదించారు. మా రేవు టీమ్ అందరి తరుపున ఈ పెద్దలందిరికీ కృతజ్ఞతలు చెబుతున్నా. ఈ సినిమా ప్రేక్షకులందరికీ నచ్చేలా ఉంటుంది. మీ సపోర్ట్ ఉంటుందని ఆశిస్తున్నాం’ అంటూ చెప్పుకొచ్చారు.
