‘కల్కి 2’లో ప్రభాస్ ఎలివేసన్స్‌పై డైరెక్టర్ కామెంట్స్.. హైప్‌తో పోయేలా ఉన్నామంటున్న ఫ్యాన్స్
దిశ, సినిమా: గతకొద్ది రోజులుగా సోషల్ మీడియాలో ప్రభాస్ తరఫున వార్ జరుగుతున్న సంగతి తెలిసిందే. బాలీవుడ్ నటుడు అర్షద్ వార్సీ ‘కల్కి’ సినిమాలో ప్రభాస్ జోకర్‌లా ఉన్నాడంటూ చేసిన కామెంట్ పెద్ద దుమారమే రేపాయి. పాన్ ఇండియా రేంజ్‌లో హిట్ అయిన ‘కల్కి’ సినిమాపై, అందులో ప్రభాస్ పాత్రపై అర్షద్ అలాంటి కామెంట్స్ చెయ్యడం సంచలనంగా మారింది. దీంతో సినీ నటులు, డార్లింగ్ ఫ్యాన్స్ వార్సీపై సీరియస్ అవుతున్నారు. ఈ క్రమంలోనే ‘కల్కి’ డైరెక్టర్ నాగ్ అశ్విన్ రియాక్ట్ అవుతూ ఓ పోస్ట్ పెట్టాడు.
‘మళ్లీ వెనక్కు వెళ్లొద్దు.. నార్త్-సౌత్ లేదా బాలీ vs టాలీ అనేది లేదు.. మనం అంతా ఇండియన్ ఫిల్మ్ ఇండస్ట్రీకి చెందిన వాళ్లమే. అర్షద్ సాబ్ మీరు మీ మాటలను మరింత బెటర్‌గా వాడాల్సింది. అయినా ఓకే.. మీ పిల్లలకి నాలుగు ‘బుజ్జి’ బొమ్మలను పంపిస్తాను. పార్ట్ 1 లో ఏదైతే ప్రభాస్ పాత్ర కోసం కామెంట్స్ చేశారో.. పార్ట్ 2లో ఖచ్చితంగా ప్రభాస్ ఒక్కరి కోసమే అంతా మాట్లాడుకునేలా వర్క్ చేస్తాను. కల్కి పార్ట్ 2లో బెస్ట్ ఎవర్ ప్రభాస్‌ని చూపిస్తాను’ అంటూ చెప్పుకొచ్చాడు. ప్రజెంట్ ఈ ట్వీట్ వైరల్ అవుతుండగా.. ఫ్యాన్స్ పండుగా చేసుకుంటున్నారు. ఈ ట్వీట్ ఏంది సామి సినిమాపై హైప్‌తో పోయేలా ఉన్నాము అంటూ కామెంట్స్ చేస్తున్నారు నెటిజన్లు.
