ఓటీటీలోకి ‘దసరా’.. స్ట్రీమింగ్ ఎప్పుడంటే..?

దిశ, వెబ్‌డెస్క్: నేచురల్ స్టార్ నాని హీరోగా.. శ్రీకాంత్ ఓదెల డైరెక్షన్‌లో తెరకెక్కిన సినిమా ‘దసరా’. శ్రీరామనవమి సందర్భంగా విడుదలైన ఈ మూవీ బాక్సాఫీస్ వద్ద భారీ వసూళ్లను రాబట్టి సూపర్ హిట్ టాక్ సొంతం చేసుకుంది. సింగరేణి బొగ్గు గనుల నేపథ్యంలో వచ్చిన ఈ సినిమా దాదాపుగా రూ. వంద కోట్లకు పైగా వసూళ్లు రాబట్టినట్లు టాక్.

ఇక థియేటర్లలో సత్తా చాటిన ఈ సినిమా ఓటీటీలోకి ఎప్పుడు వస్తుందా అని అభిమానుల్లో ఆసక్తి నెలకొంది. ఈ క్రమంలోనే వారికి ఓ శుభవార్త అందింది. ఈ సినిమా ఓటీటీ రైట్స్‌ను నెట్‌ఫ్లిక్స్ దక్కించుకున్న విషయం తెలిసిందే. ఇక తాజా సమాచారం మేరకు నెట్‌ఫ్లిక్స్ ‘దసరా’ సినిమాను మే 30 నుంచి స్ట్రీమింగ్ చేయనున్నట్లు సమాచారం. కాగా.. దసరా హిందీ వెర్షన్ రైట్స్‌ను డిస్నీ ఫ్లస్ హాట్ స్టార్ దక్కించుకుంది.