అరుదైన రికార్డు సాధించిన డార్లింగ్.. ఖుషీలో ఫ్యాన్స్
దిశ, సినిమా: స్టార్ హీరో ప్రభాస్ 'బాహుబలి', బాహుబలి-2 చిత్రాలతో ప్రపంచవ్యాప్తంగా పాపులర్‌ అయ్యాడు. ఈ రెండు సినిమాల వసూళ్ల పరంగా సరికొత్త రికార్డులు సాధించాడు. ఇటీవల డార్లింగ్ నటించి చిత్రం 'కల్కి 2898ఏడీ' జూన్‌ 27న విడుదలై పాజిటివ్‌ టాక్‌తో బ్లాక్‌బస్టర్‌ విజయంగా నిలిచింది. నాగ్‌ అశ్విన్‌ దర్శకత్వలో రూపొందిన ఈ చిత్రం ప్రేక్షకులను సరికొత్త ప్రపంచంలోకి తీసుకెళ్లి కొత్త అనుభూతిని కలిగిస్తుంది.
లెజండరీ నటులు కమల్‌హాసన్‌, అమితాబచ్చన్‌లతో పాటు హీరోయిన్‌ దీపికా పదుకునే ఈ చిత్రంలో కీలక పాత్రల్లో నటించారు. అత్యంత భారీ బడ్జెట్‌తో తెరకెక్కిన కల్కి ఇటీవల 1000 కోట్ల మైలురాయిని దాటిన సంగతి తెలిసిందే. తాజాగా, ప్రభాస్ రికార్డు సాధించాడు. ఇప్పటి వరకు భారతీయ సినిమాల్లో 1000 కోట్లు దాటిన రెండు సినిమాల్లో హీరోగా ప్రభాస్ నటించి సరికొత్త రికార్డును క్రియేట్‌ చేశాడు. బాహుబలి-2 ప్రపంచవ్యాప్తంగా 1800 కోట్లు కలెక్ట్‌ చేయగా, 'కల్కి 2898ఏడీ' కూడా 1000 కోట్ల మైలురాయి దాటింది. ఇక రానున్న రోజుల్లో ఈ 1000 కోట్లకు మరింత వసూళ్లు కూడా యాడ్‌ అవకాశం వుందని ట్రేడ్‌ వర్గాలు చెబుతున్నాయి
