పుష్ప 2 నుంచి క్రేజీ అప్డేట్.. దాక్షాయణి గా అనసూయ పోస్టర్ రిలీజ్
దిశ, సినిమా: అనసూయ భరద్వాజ్ క్యారక్టర్ ఆర్టిస్ట్‌గా చేస్తు ఫుల్ క్రేజ్ తెచ్చుకున్న విషయం మన అందరికీ తెలిసిందే. ప్రస్తుతం అనసూయ ఒక్క తెలుగులోనే కాదు తమిళం, కన్నడలోనూ ఆఫర్స్ అందుకుంటుంది. అలాగే పలు చిత్రాల్లో కీలక పాత్రలు చేస్తుంది. ఇక తెలుగులో అల్లు అర్జున్, రష్మిక మందన్నా నటిస్తున్న పాన్ ఇండియా మూవీ ‘పుష్ప 2 ది రూల్’ మూవీతో బిజీగా ఉంది. ఇందులో అనసూయ భరద్వాజ్ కీలక పాత్ర పోషిస్తోంది. మొదటి పార్ట్ లో దాక్షాయణి గా నటించింది. ఇప్పుడు ఆ పాత్రకు కొనసాగింపుగా ఉండే పాత్రలో కనిపించనుంది.
తాజాగా ఆమె పుట్టినరోజు సందర్భంగా చిత్ర యూనిట్ ఓ స్టిల్ ను విడుదల చేసింది. ఎర్రచందనం కలప వుండే చోట ఓ టేబుల్ పై ఆమె కూర్చుని పక్కనే మందు బాటిల్ తో దాక్షాయణి గా చమత్కారమైన యాసతో నోట్లో గుట్కా నములుతూ మందు తాగుతున్నట్లుగా ఆమె అనిపిస్తుంది. వెనుక ఆమె రౌడీలు ఉండగా ఎవరితో సీరియస్ గా చూస్తున్న ఈ స్టిల్ నెటిజన్లను ఆకట్టుకుంది.
ప్రస్తుతం ఈ సినిమా షూటింగ్ హైదరాబాద్ పరిసరాల్లో జరుగుతుంది. కాగా ఈ సినిమాలో ఫహాద్ ఫాజిల్, సునీల్, రావు రమేష్, అనసూయ వంటి వాళ్లు కీలక పాత్రల్లో నటిస్తున్నారు. ఈ సినిమాకు దేవి శ్రీ ప్రసాద్ సంగీతాన్ని అందిస్తున్నారు. ప్రపంచ వ్యాప్తంగా ఆగస్టు 15న ఈ సినిమాను గ్రాండ్‌గా రిలీజ్ చేయనున్నారు.
