కమెడియన్ వడివేలు ఇంట్లో తీవ్ర విషాదం..

దిశ, వెబ్‌డెస్క్: తమిళ హాస్యనటుడు వడివేలు ఇంట్లో తీవ్ర విషాదం నెలకొంది. వడివేలు తమ్ముడు జగదీశ్వరన్ (52) అనారోగ్య సమస్యలతో మృతిచెందారు. గత కొంతకాలంగా కాలేయ వ్యాధి సమస్యలతో బాధపడుతున్న ఆయన ఈ రోజు మదురైలోని ఐరావతనల్లూరులోని తన నివాసంలో సోమవారం తుది శ్వాస విడిచారు. అతని మరణ వార్త కుటుంబ సభ్యులందరినీ దిగ్భ్రాంతికి గురిచేసింది.

వడివేలు, ఆయన కుటుంబ సభ్యులకు పలువురు అభిమానులు సంతాపం తెలిపారు. వడివేలుకు ముగ్గురు సోదరులు, ఇద్దరు సోదరీమణులు ఉన్నారు. జగదీశ్వరన్ తమిళ సినిమాల్లో కూడా పనిచేశారు. అతను కాదల్ అళివతిల్లైలో, సిలంబరసన్ తమిళ చిత్రాలలో లీడ్‌ రోల్‌లో అరంగేట్రం చేశారు. అయితే నటనలో అంతగా విజయం సాధించలేకపోయిన జగదీశ్వరన్.. మధురైలో వస్త్ర వ్యాపారాన్ని ప్రారంభించి విజయవంతంగా నడుపుతున్నాడు. ఈ ఏడాది జనవరిలో వడివేలు తన తల్లిని కూడా కోల్పోయాడు.