తేజా సజ్జా వల్లే తన కల నెరవేరిందన్న చిరంజీవి.. భావోద్వేగానికి లోనైన ప్రశాంత్ వర్మ
దిశ, సినిమా : హనుమాన్ సినిమాలో హీరోగా నటించి ప్రేక్షకుల మనసు దోచుకున్న యంగ్ హీరో తేజా సజ్జా అందరికీ సుపరిచితమే. కాగా ఇతనిపై మెగా స్టార్ చిరంజీవి చేసిన వ్యాఖ్యలు ప్రస్తుతం సోషల్ మీడియాలో వైరల్ అవుతూ.. ఆసక్తి రేకెత్తిస్తు్న్నాయి. దీనిపై డైరెక్టర్ ప్రశాంత్ వర్మ కూడా ఎమోషనల్ అయ్యారు. ఇక పద్మ విభూషణ్ గ్రహీత, మెగాస్టార్ గురించి ప్రత్యేకంగా చెప్పాల్సిన పనిలేదు. 150కి పైగా సినిమాల్లో నటించి, తన యాక్టింగ్ స్టైల్‌తో అభిమానుల మనసుల్లో చెరగని ముద్ర వేశారు. ప్రస్తుతం విశ్వంభర మూవీ నిర్మాణంలో బిజీగా ఉన్నారు.
సినీ ఇండస్ట్రీలో ఎవరు టాలెంట్ ప్రదర్శించినా వారిని ప్రోత్సహించే చిరంజీవి 2024లో సూపర్ హిట్ అందుకున్న హనుమాన్ మూవీ హీరో తేజా సజ్జా గురించి ఇంట్రెస్టింగ్ కామెంట్స్ చేశారు. ఇందుకు సంబంధించిన సోషల్ మీడియా క్లిప్ ఒకటి వైరల్ అవుతుండగా అందులో చిరంజీవి తేజా సజ్జాను చూపిస్తూ.. ‘‘బాల నటుడిగా 25 ఏళ్ల కిందట కెరీర్ ప్రారంభించిన తేజ.. ఆ తర్వాత ఎంతో ఎత్తుకు ఎదిగాడు. అతను నేను నటించిన ఇంద్రా సనిమాలోనూ నటించాడు. ఇండస్ట్రీలో ఎవరి బ్యాగ్రౌండ్ లేకున్నా.. నన్ను అభిమానిస్తూ, నా చిత్రాలను స్ఫూర్తిగా తీసుకొని హీరోగా ఎదిగాడు’’ అని వ్యాఖ్యానించారు. అంతేకాకుండా తాను కూడా హనుమంతుడిపై ఎప్పటి నుంచో సినిమా చేయాలని అనుకున్నానని, కానీ చేయలేకపోయానని చెప్పారు. హనుమాన్ మూవీతో తేజా సజ్జా తనను తాను నిరూపించుకున్నాడని, దీంతో తాను పూర్తిగా సంతృప్తి చెందానని వెల్లడించారు.
కాగా తేజా సజ్జా గురించి చిరంజీవి చేసిన వ్యాఖ్యలు సినీ ఇండస్ట్రీలో, సోషల్ మీడియాలో హాట్ టాపిక్‌గా మారగా, దీనిపై స్పందించిన హనుమాన్ మూవీ డైరెక్టర్ ప్రశాంత్ వర్మ భావోద్వేగానికి లోనయ్యారు. హనుమంతుడి స్టోరీ నేపథ్యంలో సినిమా చేయడం చిరంజీవి కల అనే విషయం తెలియడంతో తాను ఎంతో సంతోషించానని పేర్కొన్నారు. ప్రస్తుతం తేజా సజ్జా ఎలా ఫీలువుతున్నాడో గెస్ చేయగలనని, చిరు మాటలు తనపై మరింత బాధ్యతను పెంచాయని ఎక్స్ వేదికగా ఎమోషనల్ ట్వీట్ పోస్ట్ చేశారు ప్రశాంత్ వర్మ.
