Bigg Boss-8: హౌస్‌లో ప్రమాదం.. వ్యక్తికి తీవ్ర గాయాలు..!
దిశ, సినిమా: బిగ్‌బాస్-8 హౌస్‌లో ప్రమాదం చోటుచేసుకున్నట్లు సమాచారం. ఇక ఈ విషయం తెలిసిన వారంతా కంగారు పడిపోతున్నారు. కానీ ఇక్కడ ఓ ట్విస్ట్ ఉంది. ఇది తెలుగు బిగ్‌బాస్ హౌస్‌లో అనుకుంటే పొరపాటుపడినట్లే. ఎందుకంటే.. ఈ ప్రమాదం చోటుచేసుకుంది త్వరలో స్టార్ట్ కాబోతున్న తమిళం బిగ్‌బాస్ హౌస్‌లో.
వివరాల్లోకి వెళితే.. చెంబరంబాక్కం పక్కనే ఉన్న ఈవీపీ సిటీలో సెట్ ఏర్పాటు చేసే పనులు జరుగుతుండగా ప్రమాదం చోటుచేసుకుంది. ఓ ఉద్యోగి 20 అడుగుల ఎత్తు నుంచి కింద పడిపోవడంతో అక్కడున్న వారు హుటాహుటిన నసరత్‌పేట సమీపంలోని ప్రైవేట్ ఆస్పత్రికి తరలించారు. అయితే అతనికి చేయి, తుంటి ఎముక విరిగినట్లు వైద్యులు వెల్లడించారు.
అత్యవసర విభాగంలో చేర్చి చికిత్స అందిస్తున్నారు. కిందపడిన వ్యక్తి మహ్మద్ షాహిల్ ఖాన్‌ (46)గా గుర్తించారు. అయితే ఈ సంఘటనపై పోలీసులు కేసు నమోదు చేసి దర్యాప్తు చేపట్టారు. కాగా, రియాలిటీ షో బిగ్‌బాస్ అన్ని భాషల్లో సక్సెస్‌ ఫుల్‌గా కొనసాగుతూ ప్రేక్షాధారణను పొందింది. అయితే తెలుగులో ఇప్పటికే సీజన్-8 ప్రారంభం అయి నాలుగు వారాలు పూర్తి చేసుకుంది. ఇక హిందీలో 18 సీజన్ తొందరలోనే స్టార్ట్ కాబోతున్నట్లు ఇటీవల అధికారిక ప్రకటన కూడా విడుదలైంది. తమిళ బిగ్‌బాస్ షో అక్టోబర్ 6న ప్రారంభం కానుంది. అయితే దీనికి హోస్ట్‌గా విజయ్ సేతుపతి వ్యవహరించబోతున్నాడు.
