రేవ్ పార్టీలో బిగ్ ట్విస్ట్..! హేమ నోరు విప్పితే బట్టబయలు కానున్న నిజాలు!.. టెన్షన్‌లో టాలీవుడ్ సెలబ్రిటీస్‌
దిశ, సినిమా: బెంగళూరు నగర శివార్లలోని ఆనేకల్ తాలుకాలోని ఫామ్ హౌస్ లో జరిగిన రేవ్ పార్టీలో డ్రగ్స్, సెక్స్ దందా జరిగిందని ఆరోపిస్తూ పోలీసులు కేసులు నమోదు చేశారు. రేవ్ పార్టీలో తెలుగు నటి హేమ డ్రగ్స్ సేవించినట్లు వైద్య పరీక్షల్లో తేలిందని పోలీసు అధికారులు అంటున్నారు. దీంతో బెంగళూరు సీసీబీ పోలీసులు విచారణకు హాజరు కావాలని హేమకు ఇప్పటికే నోటీసులు జారీ చేశారు. అయితే హేమ వ్యవహారం ఇప్పుడు టాలీవుడ్ సెలబ్రిటీస్‌లో గుబులు పుట్టిస్తోంది. పోలీస్‌ విచారణలో హేమ ఏం చెప్పుతుందా అనే గందరగోళంతో పాటే.. చిన్న పాటి క్యూరియాసిటీలో ఇండస్ట్రీలో రిమైనింగ్ సెలబ్రిటీస్‌లో నెలకొంది. హేమ వ్యవహరంలో ఆమెకు ఎవరు డ్రగ్స్ అలవాటు చేశారు ? ఆమె ఎప్పటి నుంచి డ్రగ్స్ తీసుకుంటున్నారు. ఆమె బ్యాచ్‌లో ఇంకా ఎవరెవరు ఉన్నారనే అంశాలపై బెంగుళూరు పోలీసులు ఇప్పటికే కూపీ లాగుతున్నారు. దీంతో హేమ విచారణపై అంతటా ఆసక్తి నెలకొంది.
కాగా బెంగళూరు శివార్లలోని ఓ ఫామ్‌హౌస్‌లో జరిగిన రేవ్ పార్టీలో పాల్గొన్న వారి రక్త నమూనాలను సేకరించి బెంగళూరు సీసీబీ పోలీసులు వాటిని ల్యాబ్ కి పంపించగా తెలుగు సినీ నటి హేమతో సహా 86 మంది డ్రగ్స్ తీసుకున్నట్లు నిర్ధారించినట్లు బెంగళూరు సీసీబీ పోలీసు వర్గాలు తెలిపిన విషయం తెలిసిందే.
