వర్షంలో కూడా దూసుకుపోతున్న ‘బేబీ’.. 12వ రోజు కలెక్షన్లు ఎంతంటే..?

దిశ, వెబ్‌డెస్క్: చిన్న సినిమాగా వచ్చి అతి పెద్ద హిట్ అందుకున్న సినిమా ‘బేబీ’. ఆనంద్ దేవరకొండ, వైష్ణవి చైతన్య, విరాజ్ అశ్విన్‌లు ప్రధాన పాత్రల్లో నటించిన ఈ మూవీ.. జూలై-14న విడుదలై బాక్సాఫీస్ వద్ద కలెక్షన్ల వర్షం కురిపిస్తుంది. ఇక వారం రోజులుగా ఎడతెరిపి లేకుండా వానలు కురిస్తున్నప్పటికీ ‘బేబీ’ సినిమా క్రేజ్ మాత్రం అస్సలు తగ్గడం లేదు. రిలీజైన 12 రోజుల్లో రూ.71.6 కోట్ల గ్రాస్ వసూళ్లు రాబట్టి రికార్డులు తిరగ రాస్తుంది. ఈ విషయాన్ని నేరుగా చిత్ర యూనిట్ ప్రకటించింది. అంతే కాకుండా.. ఇప్పటికీ పలు చోట్ల థియేటర్లు హౌస్ ఫుల్ అవుతుండటం విశేషం.