నాని కెరీర్‌లో మరో కాస్ట్‌ ఫెయిల్యూర్‌గా ‘సరిపోదా శనివారం’?
దిశ, సినిమా: హీరో నాని నటించిన తాజా చిత్రం 'సరిపోదా శనివారం'. వివేక్‌ ఆత్రేయ దర్శకత్వంలో రూపొందిన ఈ చిత్రం ఇటీవల ప్రేక్షకుల ముందుకొచ్చింది. మిక్స్‌డ్‌ టాక్‌ను తెచ్చుకున్న ఈ చిత్రం ఫైనల్‌గా కాస్ట్‌ ఫెయిల్యూర్‌గా నిలిచింది. ఓవర్సీస్‌ మినహా ఈ చిత్రానికి ఎక్కడా కూడా పంపిణీదారులకు పెట్టిన పెట్టుబడి రాలేదని ట్రేడ్‌ విశ్లేషకులు చెబుతున్నారు. సినిమా విడుదల తరువాత సెలవులు కలిసొచ్చినా, వర్షాలు, వరదల ప్రభావంతో కలెక్షన్లు అంతంత మాత్రంగానే వచ్చాయి.అయితే నాని మార్కెట్‌కు మించిన బడ్జెట్‌తో నిర్మించిన ఈ చిత్రం థియేట్రికల్‌ బిజినెస్‌ను కూడా ఆ రేంజ్‌లోనే చేశారు.
అయితే ఈ సినిమాకు ఓపెనింగ్‌ వసూళ్లు కూడా ఆశించిన స్థాయిలో రాకపోవడంతో.. వీకెండ్‌.. వినాయక చవితి సెలవులపై ఆశలు పెట్టుకున్నారు బయ్యర్స్‌. అయితే అప్పుడు కూడా వసూళ్లు వాళ్ల అంచనాలను అందుకోలేదు. ఫైనల్‌గా తక్కువ నష్టాలతోనైనా పంపిణీదారులు ఊపిరి పిల్చుకునే అవకాశం వుందని సమాచారం.అయితే నాని ఇటీవల నటించిన చిత్రాల్లో ఎక్కువగా కాస్ట్‌ ఫెయిల్యూర్స్‌గానే నిలుస్తున్నాయని అంటున్నారు ట్రేడ్‌వర్గాలు. హీరో ఇమేజ్‌, మార్కెట్‌కు మించి ఖర్చుపెట్టడమే ఇందుకు ప్రధాన కారణమని అంటున్నారు.
