స్వర్గం చూపిస్తా అంటూ పిలిచి.. ఒక్కొక్కరికి చుక్కలు చూపించిన అంజలి : బహిష్కరణ టీజర్
దిశ,సినిమా: హీరోయిన్ అంజలి గురించి ప్రత్యేకంగా చెప్పాల్సిన అవసరం లేదు. ఇప్పటి వరకు 50కి పైగా చిత్రాల్లో హీరోయిన్‌గానూ, ఇతర సినిమాల్లో నెగటివ్ పాత్రల్లోనూ కనిపించి అందర్ని అలరించింది. అయితే, తాజాగా జీ 5, పిక్సల్ పిక్చర్స్ ఇండియా నిర్మించిన వెబ్ సిరీస్ బహిష్కరణలో ప్రధాన పాత్ర పోషించింది. ఈ సిరీస్‌కి ముఖేష్ ప్రజాపతి దర్శకత్వం వహిస్తున్నారు. ఈ సిరీస్ ఆరు ఎపిసోడ్స్.
ఈ సిరీస్ టీజర్ రిలీజ్ చేసారు. టీజర్ లో ఈ ఒక్క డైలాగ్ అందరికి కనెక్ట్ అయింది. ఈ ప్ర‌పంచం లొంగిపోయేది వీటికే.. ఒక‌టి డబ్బుకి , ఇంకొక‌టి సోకు అన్న మాటలు అందర్ని ఎమోషనల్ గా కదిలించాయి. ఒక వైపు పల్లెటూరి అమ్మాయి మరో వైపు కత్తి పట్టిన అమ్మాయిగా చేసింది. టీజ‌ర్‌లో ఆమె సీన్స్ చూస్తుంటే తెలుస్తుంది.
అంజలి ఓ వైపు ప్రేమగా ఉంటూనే ఇంకోవైపు ఉగ్రరూపం ఎత్తిన అమ్మాయి పాత్రలో బాగ్ నటించింది. పల్లెటూరు అమ్మాయి పట్టణానికి వెళ్తుంది.. అక్కడ ఆమె ఎలాంటి పరిస్థితులు ఎదుర్కొంది. ఆమె దారికి అడ్డొచ్చిన వారిపై ప్ర‌తీకారం ఎలా తీర్చుకుంది అనేవి తెలుసుకోవాలనుకుంటే జూలై 19న జీ 5లో స్ట్రీమింగ్ కానున్న ‘బహిష్కరణ’ వెబ్ సిరీస్ చూడాల్సిందే.
