Thalapathy Vijay: విజయ్ చివరి సినిమా నుంచి అదిరిపోయే అప్డేట్.. ఆసక్తిని పెంచుతున్న పోస్టర్

దిశ, సినిమా: తమిళ స్టార్ హీరో దళపతి విజయ్ రాజకీయాల్లోకి ఎంట్రీ ఇచ్చిన విషయం తెలిసిందే. ఆయన తొందరలోనే సినిమా ఇండస్ట్రీకి గుడ్ బై చెప్పబోతున్నట్లు ప్రకటించాడు. అయితే ఆయన ఇటీవల నటించిన ‘గోట్’ మూవీనే లాస్ట్ అని అంతా భావించారు. ఈ క్రమంలో.. విజయ్ హీరోగా నటిస్తున్న 69వ చిత్రం నుంచి అధికారిక ప్రకటన విడుదల కావడంతో అంతా సంతోష పడ్డారు. అయితే ఈ సినిమాను కన్నడ టాప్ బ్యానర్ కేవీఎన్ ప్రొడక్షన్ ఈ మూవీని నిర్మించనుంది.

ఈ విషయాన్ని తెలుపుతూ ఓ ఎమోషనల్ వీడియోను కూడా విడుదల చేశారు. ఈ క్రమంలో.. తాజాగా, విజయ్ 69 చివరి సినిమా నుండి ఓ అదిరిపోయే పోస్టర్‌ను విడుదల చేశారు. అగ్నితో వెలుగుతున్న కాగడా పట్టుకుని ఓ చేయి, పైన ‘‘ద టార్చ్ బేరర్ ఆఫ్ డెమోక్రసీ’’ అనే పదాలు రాశారు. అలాగే తొందరలోనే ప్రేక్షకుల ముందుకు రాబోతున్నట్లు హింట్ ఇచ్చారు. 2025 అక్టోబర్‌లో విడుదల కాబోతున్నట్లు చిత్రబృందం ప్రకటించింది. ప్రజెంట్ ఈ పోస్టర్ అందరిలో ఆసక్తిని పెంచుతోంది.

అయితే ఈ సినిమాను హెచ్.వినోద్ తెరకెక్కిస్తుండగా.. రాక్ స్టార్ అనిరుధ్ సంగీతం అందిస్తున్నాడు. దీనిని భారీ బడ్జెట్‌తో మేకర్స్ నిర్మింబోతున్నట్లు సమాచారం. ఈ మూవీ విజయ్ చివరిది కావడంతో ప్రజల సమస్యలపై ఉండబోతున్నట్లు తెలుస్తోంది. మొత్తానికి ఆయన పొలిటికల్ కెరీర్‌కు ఈ చిత్రం ఉపయోగపడేలా మేకర్స్ ప్లాన్ చేస్తున్నట్లు టాక్.

Read More....

దళపతి విజయ్‌ లాస్ట్ సినిమాలో విలన్‌గా ఆ స్టార్ నటుడు!