బాలీవుడ్‌లో రికార్డులు కొల్లగొడుతున్న 'పుష్ప'..?

దిశ, సినిమా : ఐకాన్ స్టార్ అల్లు అర్జున్-క్రియేటివ్ డైరెక్టర్ సుకుమార్ కలయికలో వచ్చిన మూడో చిత్రం 'పుష్ప'. ఎర్రచందనం స్మగ్లింగ్ నేపథ్యంలో తెరకెక్కిన ఈ సినిమా బన్నీ కెరీర్‌లోనే బిగ్గెస్ట్ బ్లాక్ బస్టర్‌‌గా నిలిచి ఆల్ టైమ్ రికార్డ్ క్రియేట్ చేసింది. బన్నీ, రష్మికతో పాటు స్పెషల్ సాంగ్‌లో మెరిసిన సమంత, విలన్‌గా నటించిన సునీల్.. ఈ సినిమా ద్వారా తమను తాము కొత్తగా ఆవిష్కరించుకున్నారు. ఇక తెలుగు, తమిళంలోనే కాక బాలీవుడ్‌లోనూ భారీ వసూళ్లు రాబడుతున్న 'పుష్ప'.. హిందీ ఇండస్ట్రీలో సరికొత్త రికార్డ్ క్రియేట్ చేసినట్లు సమాచారం. కన్నడ స్టార్ యశ్ 'కేజీఎఫ్' మూవీతో బాలీవుడ్‌లో నెలకొల్పిన రికార్డును 'పుష్ప' బద్దలు కొట్టినట్టు సోషల్ మీడియాలో ఓ వార్త హల్ చల్ చేస్తోంది. అయితే ఈ అప్‌డేట్‌ గురించి మూవీ యూనిట్ అధికారికంగా ప్రకటించలేదు.