ఎన్టీఆర్ రికార్డు బద్దలు కొట్టిన అల్లు అర్జున్.. ఆ విషయంలో ట్రెండింగ్ వన్‌గా ఐకాన్ స్టార్
దిశ, సినిమా: ఐకాన్ స్టార్ అల్లు అర్జున్ ప్రస్తుతం ‘పుష్ప 2’ సినిమాతో బిజీగా ఉన్నాడు. ‘పుష్ప:ది రైజ్’కు సీక్వెల్‌గా వస్తున్న ఈ మూవీకి సుకుమార్ దర్శకత్వం వహిస్తున్నాడు. ఈ చిత్రంపై మొదటి నుంచి భారీ అంచనాలు ఉన్న సంగతి తెలిసిందే. నేషనల్ క్రష్ రష్మిక మందన్న హీరోయిన్‌గా నటిస్తున్న ఈ సినిమా నుంచి ఇప్పటి వరక వచ్చిన ప్రతి అప్డేట్ ఎంతో ఆకట్టుకున్నాయి. ముఖ్యంగా.. రీసెంట్‌గా ‘పుష్ప 2’ నుంచి వచ్చిన టీజర్ నెట్టింట రికార్డుల మోతమోగిస్తుంది. ఈ క్రమంలోనే తాజాగా ఎన్టీఆర్ రికార్డులను కూడా బ్రేక్ చేసినట్లు తెలుస్తుంది.
జూనియర్ ఎన్టీఆర్ మూడు పాత్రల్లో వచ్చిన సినిమా ‘జైలవకుశ’. కె.ఎస్.రవీంద్ర దర్శకత్వంలో ఏడేళ్ల క్రితం వచ్చిన ఈ సినిమా నుంచి వచ్చిన టీజర్ యూట్యూబ్‌లో ఏకంగా 137 గంటల పాటు టాప్‌లో ట్రెండ్ అయింది. ఇప్పుడు ఆ రికార్డును అల్లు అర్జున్ ‘పుష్ప 2’ టీజర్ బీట్ చేసింది. తాజాగా ‘పుష్ప 2’ టీజర్ 138 గంటల పాటు ట్రెండింగ్‌లో ఉండి కొత్త రికార్ట్‌ను క్రియేట్ చేసింది. ఈ ఏడేళ్లలో ఏ ఒక్క టీజర్ ఇంత ట్రెండింగ్‌లో ఉండక పోగా.. ఇప్పుడు అల్లు అర్జున్ ఎన్టీఆర్ రికార్డును బ్రేక్ చేశాడు. ఇప్పుడు సోషల్ మీడియాలో మోస్ట్ ట్రెండింగ్ 1గా ఐకాన్ స్టార్ ‘పుష్ప 2’ టీజర్ నిలివడంతో.. ఫ్యాన్స్ ఆనందానికి అవధులు లేకుండా పోతుంది.
